Kuido di pashènt nan na CMC no a kore risikó
Kuido di pashènt nan na CMC no a kore risikó
Awe mainta Kòrsou kompleto a ekperensiá un “blackout” di un situashon eksepshonal. Durante di e
“blackout” aki inmediatamente Curacao Medical Center a schakel over riba 3 generator i a sòru pa e
kontinuidat di kuido no ta na peliger. E koriente di Aqualectra a restablesé promé ku 1or di mèrdia.
Aunke nos a enfrentá algun komplikashon ku nos generator, mesora e teknikonan a tuma e
responsabilidat pa atende e situashon ku tabata tumando lugá pa sigurá ku tur departamentu krítiko
den hospital tin koriente. Si akaso koriente bai atrobe nos generatornan por drei pa 48 ora . Ademas,
nos tin un tanki diesel yen i a pone Curoil riba stand-by pa si mester di mas.
Nos ke sigurá komunidat ku CMC su kuido di pashènt no tabata na peliger. Tur operashon ku mester
a tuma lugá promé ku koriente a bai a finalisá eksitosamente. Tur sita i operashon di mañan ta sigui
normal. Si tin algun kambio, CMC lo tuma kontakto ku tur pashènt.
Na momentu ku koriente a restablesé poliklínika tambe a restablesé su servisionan.
Nos lo siguí monitoriá e situashon di koriente i tene nos komunidat na altura di kualke desaroyo
rondó di e situashon aki.