CURINDE A AKTUA RESPONSABEL I A ATENDE KU MERKANSIA ALMASENA DEN UN LOTS DEN ZONA

CURINDE A AKTUA RESPONSABEL I A ATENDE KU MERKANSIA ALMASENA

DEN UN LOTS DEN ZONA

 

Willemstad – 27 di Febrüari, 2020 – Ta responsabilidat di Curaçao Industrial and International Trade Development Company N.V (Curinde) pa tuma akshon den kaso ku doñonan di merkansia almasená den lotsnan ku nan ta hür serka Curinde, ku no ta karga nan responsabilidat pa esaki.  Ta netamente esaki Curinde a hasi, na momentu ku a tuma nota dos siman pasá ku tabatin indikashon ku merkansia, warda dor di Fundashon VENEX, kaminda a tuma nota ku un  lots na Nieuwe Haven tabata duna señal di merkansia ku a daña.  Mesora a aserka Fundashon VENEX i otro stakeholdersnan ku e petishon pa saka e merkansianan for di e lots i deshasí di esakinan.  Lamentablemente kosnan no a kana di un forma rápido manera Curinde a spera. Curinde pa e motibu aki mester a karga su responsabilidat i a perkurá pa saka tur merkansia for di e lots i deshasí di esakinan mesora.  Tur gastu relashoná ku esaki ta pa kuenta di esun ku a hür e lots, esta Fundashon VENEX.

Medio 2019, e Fundashon VENEX a aserka Curinde ku e petishon pa hür un lots.  E merkansia a yega mas òf ménos den e mesun periodo aki den e zona ekonómiko. Un di Curinde su aktividatnan primordial ta hür di su fasilidatnan i komo tal a hür un lots ku Fundashon VENEX. Curinde, en bista di e kousa humanitario, a hür e lots na Fundashon VENEX na un preis preferensial.    A opta pa e merkansianan keda den zona ekonómiko na Nieuwe Haven debí ku e intenshon tabata pa eksportá nan pa Venezuela segun e informashon ku Curinde a risibí.  Tur kompania òf entidat ku ta operá den e zonanan ta responsabel pa e lokual tin den nan lots almasená òf ta bende, esaki ta konta tambe pa Fundashon VENEX.

Segun informashon ku Curinde tin di Duana, Fundashon VENEX tabata den kombersashon ku Duana tokante di e proseso ku Fundashon VENEX lo mester a enkaminá pa asina manda e merkansianan aki komo donashon den e merkado lokal di Kòrsou. Curinde ta enfatisá ku esaki no ta responsabilidat di Curinde, sino ta un asuntu entre Fundashon VENEX i Duana. Komo hürdó, Fundashon VENEX tin e posibilidat pa drenta i sali e zona na tur momentu pa asina nan por a karga  e responsabilidat pa nan merkansia almasená den e lots i pa kontrolá esakinan.

Na Novèmber último,Duana a alertá Fundashon VENEX pa atendé ku e merkansia debí ku nan fecha di vensementu tabata yegando.  Lamentablemente e fundashon no a duna oido na esaki.

 

Curinde di e forma aki a atendé na un manera responsabel  ku e kliente i na mes momentu a salvaguardá bienestar di lo demas ku tin aktividatnan den nos zona ekonómiko.

This site uses Akismet to reduce spam. Learn how your comment data is processed.

error: Content is protected !!
%d bloggers like this: