NOS SELEKSHON NASHONAL LO ENFRENTÁ THAILAND DURANTE UN PARTIDO DI FOGEO AYA NA THAILAND!

NOS SELEKSHON NASHONAL LO ENFRENTÁ THAILAND DURANTE UN PARTIDO DI FOGEO AYA NA THAILAND!

 

Riba aserkamentu di Federashon di Futbòl di Thailand, nos a haña un invitashon pa partisipá na un partido di fogeo kontra Thailand aya na Thailand. Sr. Remko Bicentini, direktor tékniko di nos selekshon nashonal a solisitá pa FFK aseptá e wega di fogeo kontra di Thailand. Esaki en bista ku FFK a aserká aproksimadamente 100 otro pais pa un wega di fogeo pa nos selekshon nashonal sin optené un resultado positivo.

 

Manera ya ta konosí aktualmente tin e Coronavirus ta asotando diferente parti di mundu spesialmente e kontinente asiátiko. FFK despues di a konsultá ku FIFA, ‘Gevolmachtigde’ Minister i Dr. Izzy Gerstenbluth tokante e problemátika di Coronavirus, nos a sigui e konseho pa biaha pa Thailand i aseptá pa partisipá na e partido di fogeo ku lo tuma lugá dia 30 di mart próksimo na Thailand.

 

Mas aleu FFK lo sigui monitoriá e problematika aki i mas ku klaro ta para semper pa e bienestar di nos hungadónan. 

 

Keda pendiente pa mas informashon di e partido aki…

 

27 febrüari 2020

This site uses Akismet to reduce spam. Learn how your comment data is processed.

error: Content is protected !!
%d bloggers like this: