Sierto Awa di CMC temporalmente ta bai Shut 

Sierto Awa di CMC temporalmente ta bai Shut 

 

WILLEMSTAD – Riba instrukshon di DOW Curaçao Medical Center temporalmente mester desasí di sierto awa ku ta sali di e tuberianan na parti ost di CMC na shut. Na apertura di Curaçao Medical Center (CMC) e awa shushi di parti pariba di e edifisio tabata bai via tuberia Klein Hofje. Na e momentunan akí Klein Hofje no tin e ekipo adekuá pa purifiká e awa aki pa baha e nivel di salu i kloro (Natrium Chloride) den dje na un nivel ku DOW ta konsiderá akseptabel. Abase di e esei Departamento di Obranan Pùbliko a notifiká CMC ku lo sera e pipa na parti ost di edifísio di CMC i a indiká ku e awa mester bai Shut komo un solushon temporal, te na momentu ku Klein Hofje por risibí e awa òf te na momentu ku CMC finalisá su planta di purifikashon.

 

E konsentrashon haltu di salu i kloro den e awa usá akí ta bin entre otro for di e preparashon di awa di e departamento di diálisis di CMC. Riba e departamento akí CMC ta “onthard” e awa loke ta nifiká ku ta saka entre otro kalki for di e awa, mientras pa por hasi e awa adekuá pa dialisá ta agregá salu den e aparato. E salu ta ionisá e felter pa e por trèk e partíkulonan di kalki atrobe. E salu akí ta keda atras den e awa ku ta sobra na final di e proseso. Mientras e kloro ta ser usá pa desinfektá e aparato di diálisis.

 

CMC ta analisando mònster di 3 luna di awa pa yega na un solushon struktural i tin tur informashon nesesario pa e planta di purifikashon, ku lo ta kla pa final di e di dos kwartal di 2020.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: