Brigada di Seguridat i Formashon ta habri temporada di reklutashon. te ku 31 di mei pa hóbennan entre 15 pa 25 aña.

Brigada di Seguridat i Formashon ta habri temporada di reklutashon.

te ku 31 di mei pa hóbennan entre 15 pa 25 aña.

 

Willemstad – Manera tur aña Brigada ta duna oportunidat na hóbennan pa skirbi nan nòmber pa forma parti di e Brigada. Brigada di Seguridat i Formashon ta buskando hóbennan ku ta dispuesto pa eksperensha algu otro i ku un karakter firme i desididó. Abo Hóben masha dia bo tabata kier a forma parti di brigada awèl ata bo oportunidat pa ta parti di Brigada di Seguridat i Formashon.  E periodo di reklutashon ta di 1 di mart te ku 31 di mei 2020.

 

Pa por inskribí pa bira miembro di Brigada por hasi esaki via e link di inskripshon riba nos pagina di facebook “Brigada di Seguridat i Formashon”. Pa esaki ta bálido mester añadí un kopia di sédula, pasfoto i un pago di inskripshon di 20 florin. 

Keda pendiente pa nos dia habrí 31 di mei, di 10AM pa 4PM na kazèrne di BSF ku ta keda situá na Laufferstraat z/n, Mundu Nobo. 

Riba e dia aki lo tin demostrashon di diferente training i informashon di Brigada di Seguridat i Formashon. 

Esaki lo ta ultimo dia ku hóbennan por hasi inskripshon pa forma parti di BSF.

Pa mas informashon i inskripshon, por tuma kontakto ku Brigada di Seguridat I Formashon na 461-2825 òf mail nos na bsf@bosdihubentut.com. 

 

Brigada di Seguridat i Formashon ta un proyekto di Fundashon Bos di Hubentut kaminda hóbennan entre 15 i 25 aña ta yuda vigilá seguridat di mucha hóben durante eventonan públiko. E idea di brigada a lanta na aña 2004 ora Hudraine Papa a bira viktima den e aktividat públiko di seú kual a kosta su bida pa falta di seguridat. E aksidente aki a motivá Fundashon Bos Di Hubentut pa tuma inisiativá pa lanta un brigada  formá dor di hóben bon prepará mental i físikamente pa por duna asistenstia den aktividatnan manera karnaval di mucha, parada di tiner, Seú i otro aktividat públiko. Miembronan di BSF tur wikènt ta sigui trainingnan intensivo di entre otro: training di kondishon i training mental. Miembronan di brigada ta partisipá na aktividatnan manera “Survival Camp”, “Trainings Camp”, EHBO, i teambuilding. Brigada ta traha tambe en koperashon ku  organisashonnan manera kuerpo polisial, Vrijwilligerskorps Curaçao (VKC), Duane, CITRO i Brantwer kòrsou.

 

PA REDAKSHON: Masha danki pa e publikashon.

 

Saludos kordial,

Tim Brigada di Seguridat I Formashon.