Intento di atrako ku herido.

KOMUNIKADO DI PRENSA 095 / 2020
3 mart 2020
Intento di atrako ku herido.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 2 di mart 2020 alrededor di 22.14 or, Sentral di Polis a dirigí un unidat
polisial den Motilonesweg na altura di un snèk pa un hòmber ku a risibí herida di
bala.
E unidat polisial ku a yega na e sitio a kuminsá ku un investigashon preliminar. A
resultá ku e víktima tabata na e snèk huntu ku algun persona.
Na momento ku el a alehá un poko for di e demas personanan ku tabata na e snèk el
a keda sorprendé pa dos (2) hòmber ku kara tapá i ku arma di kandela den man. Na
dado momento a start un bringamente i e sospechosonan a lòs difirente tiru riba e
víktima. E víktima un hòmber di 63 aña di edat a risibí herida di bala den barika, na
pia i na brasa.
Ambulans a transportá e víktima pa CMC pa tratamentu médiko. Su situashon ta
stábil.
E kaso ta den investigashon.