Archivo Nashonal ta adaptá su servisio na públiko
Archivo Nashonal ta adaptá su servisio na públiko
Geplaatst op 19 March 2020 dor di Ministerio Asuntunan General i Promé Minister
Willemstad – Relashoná ku desaroyo di e vírùs COVID-19, Archivo Nashonal ta kontinuá ku su servisio na un forma adaptá.
Klientenan ku ke bishitá Archivo Nashonal, mester mèldu adelantá via
e-mail adrès nationaal.archief@gobiernu.cw .
Den e e-mail e kliente mester indiká
- Kua dokumento, potrèt òf grabashon visual òf audio visual e tin mester;
- Riba kua tópiko e ke risibí informashon
- Òf kualke otro petishon
Archivo Nashonal ta traha un sita ku e kliente pa e por pasa wak e dokumentonan. E medida aki ta vigente te próksimo aviso.
Pa mas informashon por yama Bentana di Informashon na 0800-1515 òf 433-3123.
