Kobramentu di Penshun di AOV. “Nos ta preferá pa bo keda bo kas!”

Kobramentu di Penshun di AOV. “Nos ta preferá pa bo keda bo kas!”

 

Informashon spesialmente pa Klientenan kobradó di Penshun na MCB,

 

Den e dianan difísil aki, Maduro & Curiel’s Bank tin atenshon pa nos Penshonadonan. Nos lo preferá pa bo keda kas den bo ambiente seif. Na mes momentu nos ta konsiente tambe ku bo asuntunan bankario ta esensial. P’esei Maduro & Curiel’s Bank ta ofresé e siguiente servisionan spesial pa fasilitá i alabes protehá tur Penshonado ku ta kobra penshun di AOV.

 

Por fabor tuma bon nota di e siguiente orarionan ku MCB lo ofresé servisio solamente i spesífikamente na nos Penshonadonan ku mester kobra nan penshun:

Atenshon!! Djasabra awor, dia 28 di mart MCB su filialnan na Punda i Rio Canario ta habrí di 8or di mainta pa 12or di mèrdia eksklusivamente pa pago di penshun. 

Pa akseso fásil na nos brènch na Punda, por hasi uso di e tereno di parker dilanti di Museo Marítimo na Skalo (dilanti di MCB Punda). 

 

Djaluna 30, djamars 31 di mart i djarason 1 di aprel di 8or di mainta pa 10or di mainta e filialnan di MCB  Brievengat, Punda, Rio Canario, Rooi Catootje i Sta. Maria lo ofresé servisio di kaha solamente na penshonadonan. Esaki ta konta pa tur penshonado ku no tin un tarheta di Bankomatiko ainda pa kobra penshun.

 

Tene kuenta ku konforme reglanan vigente nos lo permití solamente un kantidat limitá di kliente pareu den nos brènchnan. Nos ta pidi nos penshonadonan ku haña nesesario pa tòg bini Banko pa kobra, pa por fabor sigui e instrukshonnan di nos kuerpo di seguridat.

 

Pa fasilitá tur penshonado ku ta keda kas pa motibu di e restrikshonnan, pero ku no tin un tarheta di Bankomatiko, MCB ta ofresé e siguiente servisio:  MCB lo aseptá un karta, entregá pa un familiar di e penshonado, komo un apoderashon (machtiging) pa un miembro di famia di e penshonado por kobra pa e penshonado. Por entregá esaki na kualke brènch. E miembro di famia por kobra un montante máksimo di NAf. 250,- kèsh p’e penshonado. 

Tuma nota ku e siguiente informashon MESTER ta indiká den e karta:

Nòmber i fam di e penshonado, number di identifikashon bálido di e penshonado, nòmber i number di identifikashon bálido di e persona ku ta bin kobra p’e penshonado, firma di e penshonado.

E persona ku ta keda apoderá (gemachtigd) MESTER trese e rekisítunan menshoná den e karta (identifikashon bálido di e penshonado i tambe identifikashon bálido di su mes) pa nos por prosesá e transakshon.

 

Nos ta hasi un súplika na tur Penshonado ku no tin un tarheta di Bankomatiko ainda, pa hasi petishon pa esaki tambe den e karta i asina fasilitá nan kobransa di penshun otro luna i den futuro.

 

Penshonadonan ku no tin un tarheta di Bankomatiko, i tampoko tin nesesidat di kèsh, sinembargo mester hasi pago di utilidat (UTS, TDS, Aqualectra, Flow), por skibi nan number di kuenta, pone nan nòmber i firma riba e resibu. Un familiar por entregá esaki na kualke brènch i nos lo prosesá e pagonan akí debidamente.  

 

Nos ta urgí tur penshonado ku tin un tarheta di Bankomatiko, pa hasi uso di esaki na kualke un di nos 

42 Bankomatikonan ku ta den servisio pa nan kobra nan penshun i asina evitá bishita innesesario na nos filialnan. 

 

Nos ta enkurashá tur Penshonado ku tin un Bankomatiko i  mester paga nan resibu di utilidat, pa hasi esaki na kualke terminal di Pagomatiko òf manera hopi ya a kustumbrá, hasi uso di MCB Online Banking pa hasi bo pago i/òf transferensianan.

 

Maduro & Curiel’s Bank ta sigui hasi su máksimo esfuerso pa brinda e servisio di kustumber na nos penshonadonan tambe, teniendo kuenta ku e medidanan di prekoushon komo tambe e reglanan di ofisialnan di salubridat en konekshon ku e Corona Vírùs (COVID-19). 

 

26 di mart 2020.

 

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: