Moshon Parlamentu di Kòrsou den reunion pùbliko di djamars 7 di april 2020

Moshon

Parlamentu di Kòrsou den reunion pùbliko di djamars 7 di april 2020

 

Konsiderando ku:

• E pandemia kousá pa e vírùs COVID-19 a pone e perspektiva ekonómiko di Kòrsou
  deteriorá konsiderablemente.
• E desishon inevitabel di sera frontera pa protehá nos pueblo kontra COVID-19 ta bai rekerí hopi sakrifisio.
• Turismo, ku ta aktualmente nos prinsipal sektor di entrada, a paralisá kompletamente.
• Na momento ku Gobiernu a dekretá un lock-down pa evita ku e vírùs lo a plama riba nos isla, e impakto negativo riba nos ekonomia a wordu amplifiká i a kausá ku praktikamente henter ekonomia a paralisá.
• Gobiernu a aserká Hulanda pa ayudo pero no a risibi ainda kontesta di Hulanda riba esaki.
• Ku e situashon sosial a deteriorá rapidamente.
• Gobiernu tin urgensia pa disponé di fondonan imediatamente pa por kubri e nesesidatnan básiko di un gran parti di nos pueblo.
• Gobiernu kier emiti bono pa por finansiá e ayudo na nos pueblo.
• Emishon di bono mester ta reglá den presupuesto di pais.
• Nos Pueblo mester di yudansa urgente siendo ku preparashon di un presupuesto supletório pa inkorporá e emishon di bono ta tuma tempu.

 

 

Ta disisi:

 

1. Pa sostene gobiernu pa emiti bono na balor di 100 mion florin pa por finansiá e ayudo na nos pueblo
2. Urgi gobiernu pa mas pronto posibel presentá un presupuesto supletório ku ta inklui no solamente e emishon di bono, pero e totalidat di e pakete di ayudo na nos pueblo i komunidat en general.

 

 

I ta pasa pa orden di dia.

 

Kopia di e moshon aki ta bai pa:

– Gobièrnu di Kòrsou

– Gobernador di Kòrsou

Na

Tur miembro di Parlamento

Willemstad, 8 di aprel 2020

Bo referensia:

Bo karta:

Nos number:

Tópiko:

Reanudashon di reunion Públiko

Na nòmber di Presidente di Parlamento, mi ke informá bo ku e reunion Públiko di Parlamento di Kòrsou di skòrs di djamars, 7 di aprel 2020 i djárason, 8 di aprel 2020  pa 1or di mèrdia ku entre otro e punto di agènda: “3. Deliberashon ku Minister di Finansa relashoná ku emishon di bono (uitgifte obligatie)”, awor lo wòrdu reanudá i tratá riba djaweps, 9 di aprel 2020, pa 1or di mèrdia.

Atentamente,

Grefir di Parlamento,

Sr. mr. S. R. Cijntje