Frakshon di MAN: Ganashi for di Petroli mester bai pa pueblo

Frakshon di MAN: Ganashi for di Petroli mester bai pa pueblo

 

Ayera den tratamentu di lei di petroli kaminda a regulá e parti di eksplorashon, Frakshon di MAN a proponé un amienda di kual gobièrnu a bai di akuerdo ku ne. E lei ta papia ku ganashi hasi dor di e Kompania di Gas i Petroli mester bai den un fondo pa desaroyo sosial ekonómiko duradero. E kambio ta enserá ku Frakshon di MAN kièr a duna  kontenido na esaki den e lei. Loke frakshon di MAN a proponé ta pa inkorporá den e lei kua ta e áreanan di desaroyo sosial ekonómiko duradero.  Nos a pone e parti di  salubridat i medio ambiente i kambio di klima, desaroyo sosial i kombatimentu di pobresa i bienestar, enseñansa siensia kultura i deporte, agrikultura krio di bestia i peska, desaroyo ekonómiko duradero, energia alternativo i invershon den  e aparato públiko .

 

Ku esaki frakshon di MAN a desifrá i pone den lei kua ta e áreanan den kual tin ku garantisá invershon for di e entradanan di ékstrashon di petroli i gas na interes di e komunidat di Kòrsou.