Pronóstiko di tempu pa Kòrsou i bisindario bálido te djárason mainta 06:00 o.l., 6 di mei 2020.

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 6 di mei 2020.
Kompilá: djamars 5 di mei 2020, 05:00 o.l. (09:00 UTC).

Tempu: Parsialmente nublá, temporalmente hopi nublá ku chèns pa algu di áwaseru durante oranan di mainta.

Temperatura máksimo lo alkansá 32ºC i temperatura mínimo 26ºC.
Solo ta sali 06:14 i ta baha 18:51 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general: E fluho di bientu lo mantené un forsa moderá te bastante fuerte den nos region. Tambe áreanan di mas nubia lo pasa riba nos isla den oranan di awe mainta. Esaki por trese chèns di awaseru lokal i di durashon kòrtiku riba nos isla. Despues un tempu relativamente seku lo prevalesé pa sobra di dia. Tambe santu di Sahara ta limitá visibilidat.

Kondishon di laman: Moderá ku altura di olanan entre 1 i 2 meter (3 pa 7 pia). E olanan di mas haltu lo ta riba laman na nort i ost di Kòrsou.

Fenómeno spesial: Ningun.

Perspektiva te djaweps mainta: Por lo general parsialmente nublá i wer seku lo prevalesé.

Meteorólogo: Rombley.