Hopi asistensia i inkumplimentu ku reglanan.

KOMUNIKADO DI PRENSA 196 / 2020
9 mei 2020
Hopi asistensia i inkumplimentu ku reglanan.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Ayera ku tabata e promé dia ku a kita “shelter in place” i tambe e medida di “plachi di dia”,
por a tuma nota ku kaya tabata bastante drùk durante oranan di dia.
Polis a duna hopi asistensia i mester a atendé un kantidat signifikante di aksidentenan di
tráfiko.
Tambe polis a akudí na diferente establesimentu unda no tabata kumpli ku e.o. reglanan di
distansia sosial.
Na diferente sitio tabatin aglomerashon di persona i mas di e kantidat ku tabata permití.
Den oranan di anochi, tabata nesesario pa polis sera algun establesimentu ku no a tene nan
mes na e ora di sera.
Kuerpo Polisial ke hasi un yamada atrobe na komunidat, pa laga nos huntu ban kuida nos
mes i kuida otro.
Polis awor aki, kontrario na último simannan ta bai pone bek mas atenshon riba
aktividatnan kriminal i violashonnan den tráfiko.
Esaki ta nesesario, pasobra tin mas trafikashon di hende atrobe i esnan ku ke kometé un
delitu, indudablemente lo hasi uso di e oportunidat aki.
Esei ta nifiká ku mester repartí e kapasidat den prevenshon, represhon pero tambe
inkumplimentunan ku medidanan den kuadro di Covid-19.
P’esei ta spera di kada siudadano pa koperá ku su mes i otro, manteniendo su mes na
reglanan di distansia sosial, higiena pero tambe otro medidanan den kuadro di operashon
di establesimentu.
Laga nos realisá ku nos kada un tin un responsabilidat den esaki.