MAC ta habri ku servisio adaptá
MAC ta habri ku servisio adaptá
Willemstad – Outoridat Marítimo di Kòrsou (MAC) ta anunsiá ku e servisio ta habri pa kliente i lo duna servisio di forma adaptá. Esaki teniendo kuenta ku ‘social distancing’ i medidanan di prekoushon i protekshon di salu di tantu trahadónan komo klientenan.
- Klientenan i interesadonan lo tin ku traha sita pa sea tuma òf entrega dokumentu i/òf informashon.
- Pa traha sita por yama na telefon 8393700 òf 8393725
- Por manda via e-mail dokumentonan di tripulashon/ registrashon na manningshipr@maritimecuracao.org;
- Pa dokumentunan nóutiko òf petishon pa inspekshon por email na expertise@maritimecuracao.org
MAC ta partisipá ku no por permití aglomerashon di hende den sala di espera, i ta importante pa kada kliente tin un sita pa ser atendé. Ta urgí tur persona ku ta deseá un servisio di MAC pa komuniká pa medio di telefon òf e-mail.
