Asesinato den de Bramentuin na Rotterdam-IJsselmonde, Hulanda 

Asesinato den de Bramentuin na Rotterdam-IJsselmonde, Hulanda 
Djabièrnè mainta e bario de Bramentuin a keda spantá pa un asesinato ku a tuma lugá riba nan bisiña, un hòmber di 30 aña di edat. E hòmber a keda asesiná dilanti su porta di kas.
Un bisiña ta deklará ku el a tende sinku zonido manera klap. Despues ku el a tende ku un bisiña a keda asesiná el a komprondé ku ta sinku tiru el a tende. Ta resultá ku e viktima ta un Kurasoleño. Segun bisiñanan e hòmber tabata biba huntu ku su ruman muhé i nan mama den kas. E viktima tabata un persona trankil, segun un di e bisiñanan. Un otro bisiña ta duna di konosé ku ultimo tempu e bario a bira intrankil. Hopi vehikulo karu tabata frekuentá e bario.
Despues di e tiroteo a trata di reanimá e viktima pero esfuersonan tabata en vano. Mientras tanto a realisá detenshon di dos persona. Un hòmber di 21 aña di Dordrecht i un hòmber di 20 aña di Capelle aan den IJssel.

This site uses Akismet to reduce spam. Learn how your comment data is processed.

%d bloggers like this: