Kòrsou ta konosé su ‘lobster boot’ di mas grandi.   

Kòrsou ta konosé su ‘lobster boot’ di mas grandi.     

 

WILLEMSTAD- Sektor di peska ta selebrá binida di un boto ful ekipá ku e último desaroyonan teknológiko di peska. Den e último fin di siman famia Da Costa Gomez ku ta propietario di e boto, oryugosamente a mustra Minister di Salú, Medioambiente i Naturalesa, Suzy Camelia delaster un huki di nan atkisishon mas resien. 

Ta trata di un ‘lobster boot’ di 42 pia ku entre otro un winchi abordo i ku tin e kapasidat pa operá ku fasilidat na kosta nòrt di Kòrsou. Un bes mas Fondo Rotativo Agrario di ministerio di Salú, Medioambiente i Naturalesa ta duna sosten na un bunita proyekto ku ta kontribuí na seguridat alimentisio i alimento sano i salú. 

“Nos tin di sigui elevá nos sektornan primario por medio di edukashon i tambe brinda fasilidat i e rekursonan nesesario pa e piskadó, agrikultor o kriadó di bestia por ehersé su trabou di forma sostenibel. No por pèrdè mas tempu, awor mas ku nunka nos tin di produsí nos mes, pa nos mes”. Mas aleu Minister Camelia Römer ta desea Famia Da Costa Gomez hopi eksito i suerte riba laman. Peska ta na moda!