KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Fundashon Pro Souax ku CHARLA: MALESANAN KARDIOVASKULAR I KON NUTRISHON POR YUDA.

Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 27 di febrüari lo tin pa loke ta 2024 e promé charla di e siklo di charla ” ALIMENTASHON RESPONSABEL”.
E siklo di charla tin komo meta pa duna informashon i di e forma aki konsientisá habitantenan di Souax i bisindario i tambe otro interesadonan, kon alimentá nan mes di un forma balansá, sano i responsabel.

E luna aki DIETISTA SRA. SIEGMARA CAROLINA lo trata e tópiko:
”MALESANAN KARDIOVASKULAR I KON NUTRISHON POR YUDA”.

Durante di e charla e dietista lo duna informashon i konseho nutrishonal kon den kaso di  malesanan kardiovaskular e alimentashon di e pashènt ku malesa kardiovaskular mester ta.

Entrada ta grátis i lo tin amplio oportunidat pa hasi pregunta. Un i tur ta keda kòrdialmente invitá pa bin skucha informashonnan interesante riba e tópiko aki.

Charla ALIMENTASHON RESPONSABEL

Tópiko   : MALESANAN KARDIOVASKULAR I
KON NUTRISHON POR YUDA.

Oradó   : DIETISTA Sra. Siegmara Carolina

Dia        : Djamars 27 di FEBRÜARI 2024

Ora        : Shet’or pa mitar di nuebe di anochi  (19.00 – 20.30)

Lugá      : Sentro di bario Souax                           

Entrada  : GRATIS

 

639114718427035"
639114718427035"