AKUERDO DI MANEHO ENTRE GOBIÈRNU DI KÓRSOU, MONTAB, SV DE KONING, I FUMO

Willemstad – Resientemente, Minister Charles Cooper huntu ku Minister Sithree van Heydoorn a firma tres akuerdo di maneho (‘beheersovereenkomst’) entre Gobièrnu di Kòrsou i MONTAB, SV de Koning, i FUMO.

MONTAB:

MONTAB ta para pa Fundashon Pro Baseball Montaña Abou. E akuerdo di maneho firmá ta pa un tereno di deporte na Montaña Abou. MONTAB a hasi un petishon pa por a bin na remarke pa mantenshon di e tereno i desaroyo di e tereno i lo manehá esaki. E akuerdo ta balido pa 5 aña.

SV de Koning:

Tambe a firma un akuerdo ku Fundashon Pro Bario Jandoret pa e velt konosí komo SV de Koning na Jan Doret. Fundashon Pro Bario Jandoret a hasi un petishon pa por a bin na remarke pa mantenshon di e vèlt, i awor lo bira manehadó di e tereno, kaminda por desaroyá e tereno i mantené esaki. E akuerdo ta balido pa 5 aña.

FUMO:

FUMO ta para pa Fundashon un Miho Opshon (Montaña). E akuerdo di maneho firmá ta pa e tereno deportivo mihó konosí komo vèlt di tuin. FUMO a hasi un petishon pa por a bin na remarke pa mantenshon di e tereno aki i awor lo bira manehadó di e tereno, kaminda e por desaroyá e tereno i mantené esaki. E akuerdo aki tambe ta balido pa 5 aña.