FFK TA DI LUTO KU PÈRDIDÁ SENSIBEL DI NOS MIEMBRO LUTHSON ‘BOLIRI’ REENIS

 

FFK TA DI LUTO KU PÈRDIDÁ SENSIBEL DI NOS MIEMBRO LUTHSON ‘BOLIRI’ REENIS

 

 

Ku doló profundo na nos kurason FFK ta anunsiá fayesementu repentino di Sr. Luthson Reenis, miembro di komishon di seguridat i arbitrahe di FFK. Sr. Luthson Reenis mihó konosí komo Boliri tabata un pèrsona ku a laborá varios aña den e komishon di seguridat i tambe den departementu di aribitrahe di nos futbòl lokal. Boliri a fungi komo ‘commissioner’ diferente aña den Liga MCB. Den pasado Boliri a forma parti di e kuerpo tékniko den e selekshonnan di futsal di FFK. Komo parti di e komishon di seguridat, Boliri a representá FFK na diferente ‘workshop’ internashonal di seguridat relashoná ku futbòl.

Sr. Luthson Reenis, tabata un pèrsona ku sigur sigur a aportá en grande na diferente nivel di futbòl aki na Kòrsou.

 

Direktiva, pèrsonal di FFK, spesialmente departamentu di arbitrahe i e mundu di futbòl kompletu ta ekstendé nan mas sentido pesame na famia, amigu i konosínan di Sr. Luthson ‘Boliri’ Reenis. Boliri, sosegá na pas i drumi dushi den brasa di Señor…no tin palabra pa gradisí e esfuersonan ku ba hasi den futbòl.

Lo bo keda pa semper den FFK i mundu di futbòl su kurason!

 

8 yüni 2020