LIGA MCB POSPONÉ TE UN PRÓKSIMO AVISO!

 

 

Direktiva di FFK respetando su reglamentunan riba petishon di 8 klup kual ta Jong Holland, SUBT, Hubentut Fortuna, Centro Dominguito, U.D. Tera Kòrá, FC Inter, De Koning ku Haitian Union Club, konforme artikulo di 28 di statüt ta konvoká un reunion èkstra- ordinario dia 22 yüni 2020 ku punto di agènda indiká pa klupnan firmante; kanselashon di tur kampionato di FFK 2019-2020.

E mesun artikulo 28 di statüt ta indiká ku tur miembro di FFK mester keda notifiká mínimo 2 siman promé ku e fecha di e reunion èkstra-ordinario.

Motibu pa kual respetando e reglamentunan di FFK, direktiva a posponé Liga MCB pendiente di e reunion, unda e promé fecha di kontinuashon di Liga MCB lo ta 24 di yüni próksimo.

Tur miembro lo risibí tur informashon relevante pa ku posibel kontinuashon di kampionato pa mas tarda 19 yüni 2020.

 

8 yüni 2020