SCOLNAN DI SAN NICOLAS TA KEDA SCOL PUBLICO

 

SCOLNAN DI SAN NICOLAS TA KEDA SCOL PUBLICO

 

Durante conferencia di prensa di Gobierno di Aruba diahuebs mainta, Minister Rudy Lampe, mirando e preocupacion di maestronan y mayornan  a elabora riba e situacion di e scolnan na San Nicolas. Segun Minister Lampe, Gobierno na niun momento tawata tin e intencion pa cera e scolnan publico na San Nicolas y den e ‘intentie verklaring’ a ser poni un clausula cu tanto SPCOA y Fundacion Educacion combina lo mantene nan “openbaar karakter”. Di comienso a ser bisa cu no lo cera scolnan publico pues e demanda di SIMAR ta algo incomprendibel ya cu e topico aki nunca tawata riba mesa. 

 

Segun Minister Lampe, e informacionnan cu a ser duna desde inicio publicamente ta cu e scolnan ey ta mantene nan caracter publico. Ta incomprendibel dicon ta keda duna mal informacion na comunidad siendo cu e informacion corecto a sali publicamente caba door di Minister di Enseñanza. 

 

Minister Lampe tambe a referi na e cambio cu mester a haci pa motibo cu e carta cu a ser manda na unda ta splica cu ta bay tuma un aña pa dialoga no tawata “match” cierto palabranan den e ministeriele beschikking (MB). Pa e motibo aki mester a trece cambio den e MB pa asina nan por ta igual. E MB cambia a wordo manda pa SIMAR manera palabra.

 

Finalmente Minister Lampe a menciona cu a ser habri e solicitatie pa e management team di Colegio San Nicolas na unda cu e maestronan tawata tin un siman pa solicita. Desafortunadamente ningun maestro a solicita. Gobierno a habri e posibilidad pa docentenan di San Nicolas por ta parti di e management team pero no tawata tin niun interesado. Pa e motibo aworaki a habri e solicitatie pa intersadonan di pafo. 

 

E informacionnan cu ta ser duna no ta corecto ya cu e scolnan publico ta keda publico.

This site uses Akismet to reduce spam. Learn how your comment data is processed.

error: Content is protected !!
%d bloggers like this: