KÓDIGO HEL: PREKOUSHON PA SANTU DI SAHARA. Pronóstiko di tempu pa Kòrsou i bisindario bálido te djarason mainta 06:00 o.l., 24 di yüni 2020.

June 23, 2020 REDAKSHON

Pronóstiko

Pronóstiko di tempu pa Kòrsou i bisindario bálido te djarason mainta 06:00 o.l., 24 di yüni 2020.
Kompilá: djamars 23 di yüni 2020, 05:00 o.l. (09:00 UTC).

KÓDIGO HEL: PREKOUSHON PA SANTU DI SAHARA.
Tempu: Por lo general parsialmente nublá ku chèns pa algu di áwaseru den ora di mainta. Tambe visibilidat lo keda basta redusí.

Temperatura máksimo lo alkansá 32ºC i temperatura mínimo 27ºC.
Solo ta sali 06:13 i ta baha 19:03 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).

Situashon general: Santu fini prosedente di Sahara a plama riba área di Karibe i lo sigui tene e bista abou den nos region durante di próksimo dianan. Mas aleu, un disturbio situá den Karibe oriental lo mantené chèns pa algu di áwaseru durante oranan di mainta. Tambe ta antisipá ku bientu lo mantene un forsa moderá te basta fuerte durante di próksimo 24 ora.

Kondishon di laman: Moderá ku altura di olanan entre 1 i 1.5 meter (3 i 6 pia). E olanan di mas haltu lo ta riba e zona na nort. Tambe ta konsehá usuario di boto chikí pa uza koutela i no bai muchu leu for di kosta ku e visibilidat limitá aki.

Sistemanan signifikante di wer tropikal: Ningun.

Fenómeno spesial: Un área grandi ku konsentrashon mas denso di santu fini ku ta originá di e desierto di Sahara a alkansá nos área djadumingu mèrdia. E santu fini aki lo sigui tene e visibilidat abou riba i rondó di nos isla entre di 3 i 9 kilometer. Ademas e material aki por hasi e alergia di un persona pió òf kousa síntoma di problema di respirashon. Pa mas informashon por tuma kontakto ku dòkter di kas.

Perspektiva te djaweps mainta: Parsialmente nublá i generalmente seku ku un bista redusí.

Meteorólogo: Abraham.

Day:	Djamars	Djárason	Djaweps	Djabièrnè	Djasabra

	áwaseru aislá	parsialmente nublá	parsialmente nublá	áwaseru aislá	parsialmente nublá

Rain probability:	20%	0%	0%	20%	0%
High:	32ºC / 90ºF	33ºC / 91ºF	33ºC / 91ºF	32ºC / 90ºF	33ºC / 91ºF
Low:	27ºC / 81ºF	27ºC / 81ºF	27ºC / 81ºF	26ºC / 79ºF	27ºC / 81ºF
Sunrise time:	06:13	06:13	06:13	06:14	06:14
Sunset time:	19:03	19:03	19:04	19:04	19:04
Wave heigth (meters):	1.5 – 2.0	1 – 1.5	1.5 – 2.0	1.5 – 2.0	1.5 – 2.0