Hunta Konseho di estado di Kòrsou a realisá  bishita di kortesia Presidente di Parlamento a risibí e Vise Presidente di  e Hunta Konseho di Estado

Hunta Konseho di estado di Kòrsou a realisá  bishita di kortesia

Presidente di Parlamento a risibí e Vise Presidente di  e Hunta Konseho di Estado

 

Djamars dia 23 di yüni 2020 mainta Presidente di Parlamento señora Ana-Maria Pauletta  a risibí na su despacho den Punda na plasa Alameda e Vise Presidente di e Hunta  di Konseho di Estado di Kòrsou ku ta señora mr. Lizanne Dindial. E bishita di kortesia aki unu usual ku kada tantu tempu ta ser realisá den kuadro di e ròl i funshon ku Parlamento i e Hunta di Konseho di Estado tin den e funshonamentu di nos sistema demokrátiko. Den e reunion a elaborá entre otro riba puntonan di atenshon den e proseso legislativo i kon kada instituto, for di nan ròl, por duna un kontribushon pa mehorashon den esaki.        

 

Deskripshon dje potrèt; di robes pa drechi: Grefir di Parlamento sr. mr.  S. Cijntje Presidente di Parlamento sra. A. Pauletta, sra. mr. L. Dindial Vise Presidente di nos Hunta Konseho di Estado i sekretario di Konseho di Estado, sra. mr. C. Raphaëla

This site uses Akismet to reduce spam. Learn how your comment data is processed.

error: Content is protected !!
%d bloggers like this: