Personal, maestronan, alumnonan di Pedro Luis Brion..

Esta un doló inmenso boso ta sinti aworaki di mira boso skol destruí asina. E skol kaminda boso ta laborá ku alma i kurpa pa eduká nos muchanan i kaminda tur dia di nobo boso ta bringa pa nan futuro. Boso lugá di traha ta unu sagrado ku nunka meresé di a keda destruí.

Un suseso sumamente lamentabel i ku mi ta desaprobá profundamente. Sigur mirando ku esaki tabata akto premeditá i dirigí riba e skol spesífiko aki i ku por ser konsiderá komo un atentado riba formashon i edukashon di nos yunan. Nos tur -pueblo di Kòrsou- ta kompartí boso doló, tristesa i angustia. Sa ku boso no ta boso só i ku komunidat ta para boso tras i den boso banda den e momentunan difisil aki.

Sinembargo, den tur e tristesa di e momentu, ta bunita i inspirante pa wak e poder humano di bòns bek pa ‘rekonstruí mihó ku nunka’. Un bia mas nos ta mira ku nos ta un komunidat kaminda bondat ta reina. Danki na esaki, danki na e pashon i determinashon di e tim di Brionschool.

Komo Minister di Enseñansa, huntu ku Ministerio i Servisionan di Skolnan Públiko nos ta bai perkurá pa sostené boso, i nos lo rekonstruí Brionschool pa e ta un lugá bèk kaminda alumnonan por krese, siña, i forma i bira suidadanonan ehemplar.”

-ER

huntu #paKòrsou

Riba e portrèt huntu ku MinPres: Sra. Ianira Agostien (direktor Brionschool), Sra. Nicole Winklaar, (adjunct Brionschool) i Sr. Ricky Römer (hefe interino DOS)