KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Prome Minister Evelyn Wever-Croes: PROME MINISTER TA FELICITA 17 CIUDADANO CU NAN CONDECORACION REAL

Prome Minister Evelyn Wever-Croes:

 

PROME MINISTER TA FELICITA 17 CIUDADANO CU NAN CONDECORACION REAL

 

 

Prome Minister Evelyn Wever-Croes tawata presente na e ceremonia di Condecoracion Real 2020 cu a tuma luga diabierna 3 di juli na Hilton Balloroom. Na April ultimo, Gobernador di Aruba, Sr.Alfonso Boekhoudt a yama e condecoradonan pa informa nan di e bunita noticia aki. 

Den presencia di Prome Minister, Comision Condecoracion Real y famianan di condecoradonan, 17 ciudadano di nos pais a ricibi un Condecoracion Real for di Gobernador di Aruba. 

 

Esakinan ta personanan cu a eherce diferente actividad boluntario y excepcional pa yuda otronan, banda di nan trabou. Riba e area di deporte, scout, religioso, lesamento, enseñansa, entrega pakete di cuminda ente otro. E personanan aki a descubri e interes y pasion den nan pa eherce trabounan boluntario sin a spera algo personal a cambio, pero lagando un impacto grandi den nos comunidad. Pa esaki nos mester ta semper agradici.

 

Condecoracion RIDDER IN DE ORDE VAN ORANJE-NASSAU:

  1. Olga J. Buckley
  2. Jacob Bult
  3. Peter P.M.T. Hermans
  4. Imy J.C. Lasten
  5. Alexander M. Nieuwmeyer
  6. Jan W. van Nes

 

Condecoraion LID IN DE ORDE VAN ORANJE-NASSAU:

  1. Jose B. Andrade do Salaõ
  2. Elizabeth P. Craigg
  3. Reuben L. Craigg
  4. Maria L. Croes
  5. Rolando J. Croes
  6. Sebastian I. Falcon
  7. Eduardo F. de Graf
  8. George J. Geerman
  9. Jacobo D. Henriquez
  10. Elba L. Hirshfeld-Smith
  11. Swinda A. Thiel

Prome Minister Evelyn Wever-Croes: “Ta un honor di por tabata presente na e ocasion aki. E personanan aki, cada un a haci un bon trabou pa ‘no laga e man drechi sa kico e man robes ta haci’, pero danki na otronan cu a haci e proposicion na Comision Condecoracion Real, awe nan y nan organisacion a haya reconocimento di Rey Willem Alexander. Mi ta felicita boso pa e Condecoracion Real aki y ta yama cada un di boso danki pa e trabounan boluntario y excepcional cu boso ta haci den nos comunicad”.

 

This site uses Akismet to reduce spam. Learn how your comment data is processed.

%d bloggers like this: