Moshon Parlamento di Kòrsou den reunion públiko dia awe 9 di yüli 2020
Moshon
Parlamento di Kòrsou den reunion públiko dia awe 9 di yüli 2020
Konsiderando ku:
- Gobièrnu hasiendo uso di posibilidatnan ku tin den Reino a hasi un petishon na gobièrnu Hulandes pa haña fasilidat finansiero di 334 mion florin, na kualkier fiansa tin obligashonnan rasonabel ku e pais ku ta fia tin ku kumpli kuné.
- Den medionan di komunikashon gobièrnu a indiká ku Konseho di Minister di Reino ke bini ku un entidat finansiero, dirigí pa gobièrnu Hulandes konforme leinan i e entidat aki ta bai manehá e di 3 tranche enbes di Gobièrnu di Kòrsou
- Punto di salida di Konseho di Minister di Reino ta ku mester tin “ committment” polítiko promé i despues por kana e kaminda di Parlamento, esaki ta inaseptabel pa Parlamento
- “ Statuut” ta brinda sufisiente posibilidat di kòntròl finansiero ku ambos Pais por hasi bon uso dje sin tin ku tacha nos outonomia,
- E intenshon di konseho di minister di Reino ta pa e tin kòntròl di finansa públiko i hustisia bou di su poder, awor ke pone tambe maneho di finansa públiko bou di kontròl di Reino, asina mina e “budgetrecht” di Parlamento.
Ta disidí:
- Pa urgí Gobièrnu di Kòrsou huntu ku Konseho di Minister di Reino apliká artíkulo 53 di “ Statuut” i asina sali for di e impase, salbaguardiando nos outonomia basa riba rèspèt mutuo den Reino Hulandes.
ARTIKEL 53:
“ Indien Aruba, Curaçao of Sint Maarten de wens daartoe te kennen geven, wordt het onafhankelijke toezicht op de besteding der geldmiddelen overeenkomstig de begroting van Aruba, Curaçao onderscheidenlijk Sint Maarten, door de Algemene Rekenkamer uitgeoefend. In dat geval worden na overleg met de Rekenkamer bij rijkswet regelen gesteld omtrent de samenwerking tussen de Rekenkamer en het betrokken land. Alsdan zal de regering van het land op voordracht van het vertegenwoordigende lichaam iemand kunnen aanwijzen, die in de gelegenheid wordt gesteld deel te nemen aan de beraadslagingen over alle aangelegenheden van het betrokken land” .
- Ku den kaso ku Gobièrnu di Reino no aseptá e alternativa aki. Parlamento di Kòrsou ta urgí Gobièrnu di Kòrsou pa kana e kaminda di Nashonanan Uní, pa eksihí Gobièrnu di Reino respetá lokual ku ta para den “Statuut”.
I ta pasa pa órden di dia.
Kopia ta bai pa:
Gobernadó di Kòrsou
Konseho di Minister di Kòrsou
Konseho di Minister di Reino
Konseho di Minister di Hulanda i Parlamento di Hulanda
Konseho di Minister di Aruba i Parlamento di Aruba
Konseho di Minister di St. Maarten i Parlamento di St. Maarten
Gilmar Pisas
Charles Cooper
Gilbert Doran
Jacintha Constansia
Juniel Carolina