POP-UP STORE NOBO NA SAMBIL TA OFRESÉ E PAKETE DI MAS GRANDI DI STAYCATION TOURS

POP-UP STORE NOBO NA SAMBIL TA OFRESÉ E PAKETE DI MAS GRANDI DI STAYCATION TOURS

WILLEMSTAD, 10 di yüli 2020 – Djabièrnè atardi dia 3 di yüli tabatin e inougurashon grandi di e pop up store nobo di Curaçao Activities den e mall di mas grandi na Kòrsou: Sambil. Den e pop up store aki, ku lo ta habri henter fakansi, yu di Kòrsou por buk diferente tours i aktividatnan ku ta tuma lugá riba nan mes dushi isla Kòrsou. Ku diferente tours for di 35 florin pa persona bo ta haña e pakete di aktividatnan na Kòrsou di mas grandi. 

“Pasobra hopi hende no por bai afó e fakansi aki, pero tòg nan ke disfrutá di aktividatnan leuk, nos a krea – huntu ku Sambil – un lugá unda bo por buk tours i aktividatnan riba nos mes dushi isla Kòrsou. Tambe e buggy (UTV) tour nobo lo ta bai sali for di e lugá aki na Sambil. Nos ta invitá tur hende pa bin e inougurashon e djabièrnè aki. Tur bishitante tin chèns di gana un tour di UTV durante e wikènt aki.” Asina Kim Moehamad, Direktor di merkadeo i benta di TMC i Curaçao Activities a bisa.

Curaçao Activities (inisiativa di TMC) ta ofresé entre otro jeep safaris, art & history tours, water sport, trips pa Klein Kòrsou, sunset trips, cocktail workshops i naturalmente e tour di Curaçao Activities nobo nobo i hopi popular: e UTV Banda Abou Tour. E buggies nobo ku lokual bo por deskubrí nos isla na un otro manera, lo wòrdu revelá na e públiko. Curaçao Activities ta ofresé tur e tours na un tarifa lokal.

E pop-up store, ku ta stashoná enfrente di e tienda di sapatu ALDO, lo ta habrí henter fakansi for di 11:00 te ku 19:00. Tur hende ta invitá pa pasa pa plania bo fakansi huntu ku Curaçao Activities na Sambil. Asin’aki bo por planifiká bo mes fakansi riba nos mes isla ku hopi aktividat lokal. Tambe bo por tira un bista riba e wèpsait di Curaçao Activities pa bo chèk tur aktividat ku nan ta ofresé.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: