Disertashon i preguntanan di Juniel Carolina

 

Willemstad, 15 di yüli 2020

 

Disertashon di Parlamentario Juniël Carolina

 

LANDSVERORDENING

 

RAMPENBESTRIJDING/ONTEIGENINGSVERORDENING:

 

REAKSHON MFK RIBA MEMORIE VAN ANTWOORD:

 

Frakshon MFK ta gradisí gobièrnu, pa kontestanan risibí riba preguntanan hasi.

Señor presidente un petishon. Gobièrnu na momentu di kontesta kontestá preguntanan den futuro, hasi esakinan pa frakshon. No referí den kontestanan, na numbernan òf di preguntanan hasi. Señor presidente, kontestanan ni preguntanan ta numerá. E ta fèrfelu i molestoso, pa por sigui gobièrnu su kontestanan!

 

Gobièrnu (t)a usa komo motibu pa kambia e leinan aki, skùifmentu di e maneho di efektonan, pa e maneho di rísiko(página 2-30)

Frakshon di MFK ta lamentá, ku gobièrnu a separá e ordenansanan sentral di kalamidat i di situashonnan eksepshonal, pa por hasi kambionan den e ordenansa sentral di kalamidat(página 5-30). Gobièrnu ta bisa pa motibu, ku e ordenansa sentral di kalamidat, No ta un lei di urgensia konforme artíkulo 96 di Areglo di Estado.

 

Gobièrnu ta indiká/hustifiká, ku sin adaptashon di e lei di kalamidat aki, Kòrsou lo ta mas vulnerabel(página 6-30).

 

Pregunta: 

 

Ta despues di mas ku 3 aña sinta den gobièrnu, ta awor numa a realisá ku  pueblo ta vulnerabel?

 

Gobièrnu a kontesta frakshon di MFK, ku sekretario di e staf di krísis, su nombramentu no ta mará na un término spesífiko. Su úniko kondishon, ku e ta mará na dje ta, ku e tin di funshoná na satisfakshon di e direktor di DRR(página 10-30).

 

Kon ta nòmber i fam di e sekretario menshoná i ken ta direktor di e DRR ariba menshoná?

 

Ki dia, luna òf aña, e último kombersashon di funshonamentu(functioneringsgesprek) a tuma lugá?

 

Kua ta(bata) e resultado(nan)? 

 

Señor presidente Frakshon di MFK a puntra gobièrnu, si e 6 interesnan vital a motivá gobièrnu, pa na un manera aselerá, presentá kambionan den e lei aki.  

 

Gobièrnu ta kontestá parlamento, ku niun di e 6 interesnan vital a hunga un ròl pero ta tur parti di e lei ta importante(página 18-30).

 

Pregunta

 

Gobièrnu por bai mas den detaye spesífiko riba su kontesta duná, prinsipalmente riba e importansia di e 6 interesnan vital?

 

Frakshon di MFK a mustra korektamente, ku gobièrnu di Kòrsou ta usa den e lei aki diferente E.h.a.m.(página 19-30)?

 

Frakshon di MFK, no ta kompartí e pensamentu di gobièrnu, ku ta bisa Staten no mester ta direktamente enbolbí den un areglo(regeling). Gobièrnu na un manera arogante i no aseptabel ta bisa, ku pa parlamento ta sufisiente, si esaki por kontrolá maneho di gobièrnu despues. Señor presidente, esaki ta no aseptabel!

 

Pregunta: 

 

Dikon gobièrnu ke ekskluí Staten for di tumamentu di desishon, dor di hasi uso di dekretonan gubernamental h.a.m.(landsbesluit)?

 

Frakshon MFK ta gradisí gobièrnu,  pa kontesta duna riba nos pregunta hasí riba publikashonnan  di desishonnan di gobièrnu den Curacaosche Courant. 

Gobièrnu tin di informá komunidat, ku pa risibí esakinan, nan mester konsultá e website wjz.gobiernu.cw. Esnan ku ta skucha tuma nota un bia mas di esaki. E website ta, wjz.gobiernu.cw.

 

Pregunta:

 

Gobièrnu ta dispuesto pa kuminsá informá,  si ta si, ki dia gobièrnu ta kuminsá?

Frakshon MFK tabata ke sa, kua ta e diferensia entre e ordenansa di ekspropiashon i e afpakteam!

 

Señor presidente,  loke gobièrnu a kontestá frakshon di MFK riba página 25-30, ta algu sumamente peligroso! Gobièrnu ta splika, ku tereno na Kòrsou ta skars, ku mester mas tereno pa ekspandé ret di kaminda, pa zona natural nobo, mas tereno industrial i mas tereno pa traha kas. 

 

Señor presidente, gobièrnu NO ke kaba di tuma desishon, pa traha kasnan na Wèchi, gobièrnu NO ke evaluá EOP pa kaba, manera lei ta preskribí.             

 

Gobièrnu NO ke hasi uso tampoko, di e tereno grandi di famia Maal na bándariba. 

Loke gobièrnu di Kòrsou ke hasi ta, si gobièrnu tin mester di tereno pa hasi loke nan mi a kaba di menshoná, e ta negoshá pa purba kumpra esakinan, si e no logra,  e ta kita e tereno for di e doñonan. Terenonan di hür tampoko ta skapa for di e mal intenshon aki di gabinete Rhuggenaath. 

 

Doñonan di terenonan kitá,  tin di keda kontentu ku un simpel daño di perhuisio.

 

Pregunta:

 

Gobièrnu ta konsiente,  ku su intenshon maligno, NO ta kuadra den un pais demokrátiko?

 

Kiko a hasi ku artíkulonan i propiedatnan konfiská, pa medio di afpakteam?

Frakshon di MFK, ke haña un lista di aña 2017, 2018, 2019 i te ku fecha di awe di esakinan?

 

Frakshon di MFK no a keda satisfecho,  ku e splikashon di gobièrnu tokante “hoogste burgerlijke militaire overheid”(página 27-30).

 

Pregunta:

 

Kiko gobièrnu ta komprendé bou di un “hoogste burgerlijke militaire overheid”? Por fabor un splikashon mas detayá, ku kontesta, ku e ta simplemente, un kabesante dje ehérsito!

 

Konsekuensianan finansiero.(página 28-30):

 

Gobièrnu NO por a duna parlamento gastunan total di presupuesto, ku introdukshon di e lei aki. 

 

Frakshon MFK NO a keda satisfecho ku e splikashon tokante di e sekretario di e “crisisstaf”!

 

Petishon/Pregunta:

 

Frakshon di MFK ke haña e struktura di e personal, e presupuesto, relato anual 207, 2018 i 2019 di DRR;

 

Na kua deportamentu e sekretario di e “crisisstaf” ta pertenesé?

Frakshon di MFK ta lamentá gobièrnu su kontesta/splikashon duná, relashoná, ku e gastunan hasí den kuadro di kombatimentu di kalamidat.(página 28-30) 

 

Frakshon di MFK ta di opinion, ku ta 38 luna kaba, ku e aktual gobièrnu ta papia, skibi i primintí, sin nada ta pasa! Señor presidente, na lugá di invertí pa E pueblo, gobièrnu ke ekspropiá terenonan di pueblo!

 

E gastunan aki; sistema di alarma; 2 mion florin i despues tur aña 52.000 florin, pre investigashon pa un sentral di krísis nobo; 800.000 florin. Mas aleu gobièrnu for di 2017 mester a diseñá un plan modelo; e tempu ei mester a kosta 15.000 florin mas 4.000 florin tur aña. 

 

For di 10-10-10 mester a hasi e invershonnan aki, pa protekshon di e poblashon di Kòrsou. Gobièrnu ta splika, ku ta for di lantamentu di DRR, ta haña e atenshon pa ehekutanan. Nada a ser hasí! Nèt nèt nada. Mas aleu gobièrnu ta informá di a tuma e desishonnan nesesario!

 

Pregunta:

 

E invershonnan ariba menshoná, nan preisnan a oumentá, si ta si, kuantu gastunan ta aktualmente kompará ku 10-10-10?

Gobièrnu ta bai invertí den e aparatonan importante aki na bienestar di poblashon di Kòrsou?

 

Frakshon di MFK ta pidi kopia di e desishonnan tuma dor di gobièrnu, pa realisá e trayekto i startmentu di e sentral menshoná riba página 29-30.

 

Preguntanan adishonal:

 

Página 2-30 PAR MEMORIE VAN ANTWOORD.

 

PREGUNTANAN MFK:

 

Kua akshon gobièrnu a tuma te ainda pa protehá komunidat kontra kambionan klimatológiko? 

 

Kòrsou ta den e 68 paisnan, ku ta komprometé durante e periodo 2015-2030, pa tuma akshon pa redusí rísikonan i efektonan pa mitigá insidentenan riba skala grandi?

 

Página 9-30 PAR.

 

PREGUNTANAN MFK:

 

E ministerio BPD no ta representá den CRbo via ESF. Gobièrnu  a primintí, ku riba término kòrtiku den tur ministerio lo tin un funshonario ku ta enkargá ku kordinashon di krísis.

 

Gobièrnu a kumpli ku esaki den tur ministerio, inkluso esun di BPD?

Pakiko gobièrnu ta proponé pa kambia e terminologia “crisiscordinator” pa “nationale crisiscordinator”?

 

Kua ta esaki su balor agregá?

 

Gobièrnu a saka hóbennan for di FEFFIK, pa laga esaki funshoná komo sentro operashonal sentral di kordinashon di krísis i katastròf. Despues di a laga hóbennan riba kaya sin por disfrutá di edukashon, gobièrnu ta anunsiá, ku kaminda tabata FEFFIK, ku esaki, no ta sirbi mas pa funshoná komo sentro operashonal sentral di kordinashon di krísis i katastròf. Awor gobièrnu ke bai trasladá e sentro aki den büró polisial di KPC na Rio Canario!

 

Pregunta MFK(página 9-30):

 

Gobièrnu no por planifiká na drechi, maske ta un bia, pa término mediano/largu?

E traslado a tuma lugá kaba, ki ta si status?

Kua ta e kostonan, ku e traslado aki ta trese kuné i ta for dia kua pòst di presupuesto ta bai kubri esaki?

Ta eksistí un programa(draaiboek), un plan di katástrofe(rampenplan), di kua aña esakinan ta?

 

Página 11-30:

Gobièrnu a entregá mientrastantu e plan di krísis na Konseho konsultativo(Raad van Advies)?

 

Si ta si, ki dia esaki a tuma lugá?

 

Página 15-30:

 

Señor presidente, frakshon di MFK ta di opinion, ku mester evitá loke a pasa resien, kaminda 1 persona a manifestá i minister di hustisia a sera Punda, stroba ekonomia, kita brùg, pone trahadónan yega trabou lat. Otro ora 5 hende ta manifestá pasivamente, atrobe gobièrnu ta sera Punda i e bia aki ta pone kontra tur regla/lei sòldatnan hulandes na porta di fòrti i ta sera porta di fòrti pa pueblo!

 

Si laga e oportunidat pa e minister di asuntunan general òf esun interino deklará un krísis òf katastròf, e loke mi a kaba deskribí ariba por ripití. Señor presidènt, kua staf di krísis ta bai bisa e minister di asuntunan general òf interino i e no tin mag di deklará un krísis òf katastròf. Señor presidente wak kiko a pasa ku e mando polisial señor SAMBO. Ministernan ta manda gas lakrimógeno i tira den laira i ken ta bai kas, señor Mauricio Sambo!

 

Señor presidente, ta te na momento ku minister di asuntunan general, pasobra e la lanta ku mal pia for di kama riba un dia, e momento ei numa parlamento despues di risibí un rapòrt di evaluashon por yama e minister(nan) menshoná pa responsabilisá nan mes. Esaki por tuma lugá konforme artíkulo 8 insiso 5 di e lei aki!

 

Pregunta:

 

Tabatin dia 24 di yüni un insidente den fòrti, pa ta mas eksakto fort amsterdam # 17.  Staten por risibí e rapòrt riba e insidente, ku a tuma lugá último den fòrti:

600 kilo kokaina a pèrdè den warda di polis. Ayera tabatin publikashon di armanan potente ku a pèrdè den warda di polis. Segun frakshon di MFK esakinan por ser konsiderá komo un krísis.

 

Pregunta:

 

Minister ta kompartí e opinion di frakshon di MFK, si ta si, Staten por haña resultado di e investigashonnan aki?

Frakshon di MFK ta lamentá, ku gobièrnu ta kontesta parlamento ku informashon inkorekto, ku a tuma lugá na aña 2017. Ningun momento so gabinete Pisas NO a trata na wanta e elekshon di dia 28 di aprel di aña 2017! Gobièrnu mester demostrá awor, ku e ta serio den esaki.  Mester saka e minister di BPD for di KSE(Konseho Supremo Elektoral).

 

Pregunta:

 

Kon ta pará ku kambio den lei elektoral pa saka metementu di e minister di BPD for di organisashon di elekshon?

Página 17-30:

 

Kiko ta opinion di minister di hustisia,  pa riba proposishon di frakshon di MFK, kambia responsabilidat di minister asuntunan general pa minister di hustisia?

 

Cyber-crime: We spreken van cybercrime als computers het doelwit zijn van criminele activiteiten. Burgers worden slachtoffer van computervredebreuk en ransomware, 

 

Pregunta:

 

Esaki ta e siguiente na bùrt,  pa presentá otro proyekto di lei?

Página 13/14-30:

 

Frakshon di MFK no ta di akuerdo, ku parlamento ta haña e plan di maneho, despues ku aprobá e lei aki.  Pió ainda ora ta informá parlamento, ku pa traha un bon plan di maneho esaki su siklo ta tuma 3 aña i 6 luna. Señor presidente, Frakshon MFK No por duna cheque blanku.

 

Frakshon di MFK ke risibí plan di maneho, plan di katastròf i kònsèpt presupuesto;

Kon ta ku e plan di maneho menshoná den artíkulo 2a?

 

KONKLUSHON:

 

E PROYEKTO DI LEI AKI, NO TA KLA AINDA PA BIRA VOORLOPIG, TEVENS EINDVERSLAG. GOBIERNU TIN DI AKLARA HOPI PUNTO. ESUN PRINSIPAL, EKSPROPIA TERENO DI FAMIA/SIUDADANONAN

 

Juniël Carolina

Miembro di

frakshon di MFK

This site uses Akismet to reduce spam. Learn how your comment data is processed.

error: Content is protected !!
%d bloggers like this: