DEKLARASHON PARTIDO PIN

DEKLARASHON PARTIDO PIN

Willemstad, 18 di yüli 2020

PARTIDO PIN A RISIBÍ KARTA DI RETIRO DI SR. CALMES

Pa medio di e deklarashon aki Partido Inovashon Nashonal (PIN) ta deklará ku a risibí un karta di retiro di sr. Rennox Calmes komo miembro di Partido PIN entrante awe. Alabes a tuma nota di karta pa Presidente di Staten den kua sr. Calmes ta anunsiá ku ela bira miembro independiente.

Sinembargo sr Calmes a indiká ku e ta tuma e wikènt aki pa tuma su desishon, si e ta opta pa entregá e asiento na e partido – komo ta trata di un asiento ku a keda lográ ku esfuerso di tur integrante di PIN.

PIN ta keda pendiente tambe di e aklarashon di sr Calmes tokante e motibu di su retiro di partido PIN, ya ku direktiva tin 4 dia pendiente pa deliberá kuné. Te awe sr. Calmes no a pone partido na altura di ningun frikshon di tantu gravedat te ku esaki mester a kondusí na su retiro for di PIN. Último simannan sr. Calmes a konsiderá ku e no ta di akuerdo ku negosashonnan ku Klesh, ni tampoko ku e lei di “Uitzonderingstoestand”. Den ambos kaso direktiva di PIN a puntra pa un splikashon i a invitá sr. Calmes pa un reunion pa nos komprondé kiko eksaktamente ta su opheshon. Te ainda e no a duna oido na esaki i a sorpresá direktiva awe mèrdia ku un karta.

Lo warda sr. Calmes su splikashon.

PIN lo determiná e momentu pa pone un Konferensia di Prensa.

This site uses Akismet to reduce spam. Learn how your comment data is processed.

error: Content is protected !!
%d bloggers like this: