Reunion ku karakter di urgensia pa Parlamento por fiha posishon, si gabinete Rhuggenaath ta konta ku un mayoria den Parlamento

Willemstad, 20 yüli 2020

 

Na Presidente di Parlamento

Señora A. Pauletta

Wilhelminaplein # 4

Presente

 

Tópiko: Reunion ku karakter di urgensia pa Parlamento por fiha posishon, si gabinete Rhuggenaath ta konta ku un mayoria den Parlamento

 

Señora Presidente,

 

Frakshon di MFK a tuma nota di susesonan ku ta pasando riba e arena polítiko i ta aserka bo persona ku lo siguiente;

 

Despues di ku mi persona komo lider di frakshon tabatin un sita ku gobernador kaminda, nos a interkambiá riba diferente tópiko ku ta trata gobernashon. Riba nos pregunta na gobernador si gabinete Rhuggenaath ta konta ku un sosten por eskrito di un mayoria di 11 di miembronan di Parlamento, afortunadamente gobernador no por a presentá un dokumento kaminda un mayoria den Parlamento ta sostené gabinete Rhuggenaath.

 

Frakshon di MFK, mirando e situashon di pais kaminda nos ta pasando den un krísis bastante serio i ku henter komunidat ta sufriendo bou di e situashon aki i teniendo na kuenta ku e Pandemia di Covid-19, tambe a afektá henter komunidat i ku lo bai tuma basta tempu pa Kòrsou rekuperá di esaki, mester di stabilidat politiko.

 

Debí ku no tin klaridat den gobernashon, frakshon di MFK ta hasi un petishon ku karakter di urgensia konforme artíkulo 64 insiso 4 di Reglamento di Orden pa konvoká un reunion pa Parlamento por fiha posishon.

 

Frakshon di MFK ta hasi un apelashon serio na bo persona pa e reunion aki keda yama pa mas tarda mañan mainta 11or, pa asina pueblo di Kòrsou haña klaridat riba e situashon ku Kòrsou ta konfrontando na e momentonan aki. 

 

Atentamente,

 

Gilmar Pisas   Charles Cooper   Jacinta Constancia  Gilbert Doran   Juniël Carolina

This site uses Akismet to reduce spam. Learn how your comment data is processed.

error: Content is protected !!
%d bloggers like this: