Ayera mi a asistí na e start ofisial di e proyekto “Duna un man na bo ruman” di SIGE.

Danki na e kolaborashon entre diferente spònsernan, Konsulado Merikano, U.S. Army i Ministerio di Enseñansa, Siensia, Kultura i Deporte, ku e aña aki mas ku 700 alumno lo kuminsá nan aña eskolar ku e material eskolar ku nan mester.

Inisiativanan manera esaki ta mustra ku ora gobièrnu, organisashonnan i sektor privá uni forsa, nos por duna nos muchanan un bon kuminsamentu i oumentá nan oportunidat pa logra éksito den skol.

Mi ta gradisí tur partnernan i boluntarionan ku a kontribuí na e proyekto aki i mi ta deseá tur alumno un aña eskolar eksitoso.