Djaweps 11 di desèmber, Promé Minister Gilmar Pisas a representá Minister di VVRP, sr. Charles Cooper, durante e selebrashon di fin di aña di Ministerio di VVRP.

Willemstad – Djaweps 11 di desèmber, Promé Minister Gilmar Pisas a representá Minister di VVRP, sr. Charles Cooper, durante e selebrashon di fin di aña di Ministerio di VVRP. Durante e okashon, Promé Minister a dirigí un diskurso i a duna atenshon speshal na e hubilarionan, e penshonadonan i trahadónan nobo den servisio ku tambe a huramentá den e anochi ei.

E selebrashon a sirbi komo un momento di agradesimentu, rekonosementu i renobashon di kompromiso pa sigui traha huntu na desaroyo di e Ministerio di VVRP i alabes di nos pais Kòrsou.