Minister di Hustisia Shalten Hato Ta mas bendishoná duna ku risibí! 

Minister di Hustisia Shalten Hato

Ta mas bendishoná duna ku risibí!
Direktor di SDKK – Sentro di Detenshon i Korekshon Kòrsou, sr. Hasselmeijer huntu ku un tim di personal di e instituto a hasi entrega di un bunita kolekshon di obranan di man na skol Frater Evoniusschool, trahá na nòmber di e kliëntenan, komo dekorashon speshal pa Pasku.
E obranan di palu a wordu kreá ku e idea pa duna e muchanan chens pa diseñá i dekorá nan mes, stimulando kreatividat i abilidat di diseña.
Tabata un mainta yen di alegria, ku charla kaminda a splika kon e obranan a wordu traha i kon e muchanan por sigui krea ideanan nobo. E muchanan tabata super kontentu i agradesdo pa tur e gestonan ku SDKK ta hasiendo durante henter aña.