GERENSIA DI PRISON A TUMA MEDIDANAN PREVENTIVO NA TEMPU EN KONEKSHON KU PLAMAMENTU LOKAL DI COVID-19

GERENSIA DI PRISON A TUMA MEDIDANAN PREVENTIVO NA TEMPU EN KONEKSHON KU PLAMAMENTU LOKAL DI COVID-19

Geplaatst op 06 September 2020 dor di Ministerio Hustisia

WILLEMSTAD – Gerensia di Sentro di Detenshon i Korekshon Kòrsou (SDKK) a informá tur trahadó for di djasabra anochi, 5 di sèptèmber 2020pa medio di un sirkulario interno, ku un kolega ku ta traha den Departamento di Seguridat a tèst positivo pa COVID-19Awe mainta tempran gerensia lo tene un seshon di informashon pa e personal pa di forma transparente informá nan tokante e kaso i pa bolbe repasá medidanan di prevenshon ku a tuma. Gerensia ta lamentá ku ta insinuá ku el a skonde informashon i ta desmentí esaki kategórikamente. 

E trahadó di Seguridat a reportá korektamente na su hefe djadumingu 30 di ougùstùs ku e ta sospechá ku e por tabatin kontakto ku un persona ku tin COVID-19. Den konsulta ku su hefe a opta pa e no presentá mas na trabou i el a keda kas den karentena preventivo. E trahadó a logra haña un sita ku su dòkter di kas te djaweps último i e por a bai hasi e tèst djabièrnè. Esaki ta e motibu ku e resultado a bira konosí djasabra 5 di sèptèmber. 

KONSULTA 

Djasabra gerensia di prisòtabata den konsulta konstante i intensivo ku GMN pa determiná kua paso mester tumaentre otro loke ta trata “contact tracing. A keda establesé ku e índole di kontakto ku otro koleganan no ta motibu pa pániko ni pa konkluí ku tin kolega ku a keda kontagiá pa e kolega en kuestion. Pa e motibu akí no ta nesesario pa otro miembro di personal drenta den karentena obligatorio stipulá pa GMN. 

A pesar di esaki pa mantené trankilidat mental bou di e personal di e instituto penitensiario, gerensia a fasilitá GMN dato di algun kolega ku ta laborá na Departamento di Seguridat ku ta deseá di tèst di forma preventivo.  Pasó gerensia di un instituto intramural kaminda mas ku 350 persona ta laborá, i ku un kapasidat di alrededor di 500 detenido, no por tuma niun tipo di riesgo. 

PREVENTIVO 

Esaki mes tabata e motibu ku gerensia for di dia 25 di ougùstùs último a tuma diferente medida preventivo manera entre otro: a suspendé tur bishita pa detenidonan, a stòp tur aktividat kaminda detenidonan tin ku traha pafó di prisòn, tur bishita di kònsùl, abogado etc., mester bisti tapaboka i personal ku tin kontakto ku kliente tin ku bisti tapaboka 

Pa baha e kantidat di hende ku ta traha diariamente den e instituto, personal atministrativo ta bini na remarke pa traha na kas bou di kondishonnan ekstriktoBishitantenan ku síntoma di grip òf keintura no ta pèrmití pa drenta SDKK. Tambe gerensia a tene dia 27 di ougùstùs dos seshon di informashon ku GMN pa personal di SDKK pa asina tur trahadó ta na altura kiko nan mester atené nan mes na dje. Tambe e eksperto di GMN a hasi un inspekshon den e instituto.  

DISTANSIA SOSIAL 

Konforme e protokòl di Gobièrnu di Kòrsou, gerensia a tuma diferente medida interno pa evitá mas tantu posibel plamamentu di COVID-19 den prisòn. A pone poster ku instrukshon na diferente lugá den prisòn i kada trahadó ta responsabel pa mantené nan mes na e reglanan pa evitá kontagioBanda di esaki na diferente lugá a buta wasbak èkstra pa trahadónan por laba man mas frekuente. Kada departamento a hañhandsanitizer i a pone esaki na lugánan manera entrada, prikklok i den kantina. Tambe a hasi pedido di sufisiente artíkulo di limpiesa i a intensivá e skema di limpiesa.  

pone diferente steker ku ta indiká ku mester mantené distansia físiko na entrada, prikklok i den kantina. I a introdusí un skema di rotashon den espasionan chikí kaminda mas hende ta laborá. Kaminda distansiamentu físiko ta difísil, GMN a rekomendá pa bisti tapaboka Tambe a stipulá ku asina un trahadó tin síntoma di grip òf keintura, e mester mèldu su hefe,  no presentá na trabou i tuma kontakto su dòkter di kas pa evitá ku e vírùs por plama den SDKK.  

AKUERDO 

Nèt djabièrnè último gerensia di SDKK yega na un akuerdo ku ABVO pa un gran kantidat di trahadó kuminsá traha bèk despues di algun siman ku nan no a presentá na trabou pa motibu di algun punto ku nan no tabata di akuerdo kuné. E punto prinsipal tabata kumplimentu di parti di gerensia ku e protokòl di COVID. Gerensia a splika ku el a kumpli i entretantu logra yega na un manera efektivo pa repartí produktonan pa protekshon pa tur trahadó. 

Huntu ku GMN gerensia lo sigui hasi tur loke ta nesesario pa garantisá salú di e personal di SDKK den su totalidat ora nan ta laborá den e instituto. Banda di esaki kada trahadó ta responsabel pa e mantené su mes na e reglanan kontra COVID19 pafó di trabou, konsiderando e instituto kaminda e ta laborá vulnerabel. Gerensia ta deseá e kolega ku a tèst positivo un pronto rekuperashon.  

Direktor suplente SDKK 

Sr. R. Ricardo 

This site uses Akismet to reduce spam. Learn how your comment data is processed.

error: Content is protected !!
%d bloggers like this: