Kontròl dirigí riba violashon di Lei di Arma i Lei di Opio

 

KOMUNIKADO DI PRENSA
278 / 2020
22 yüli 2020
Kontròl dirigí riba violashon di Lei di Arma i Lei di Opio
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 21 di yüli 2020 entre di 19.00 or pa 22.00 or, e Tim di Mantenshon di Òrdu Públiko
Konhuntamente ku patruya di VKC a tene kontròlnan na diferente parti riba nos Pais.
E kontròlnan tabata dirigí riba violashon di e Lei di Arma i e Lei di Opio.
Durante di e kontròlnan aki a kontrolá un total di diesshete (17) persona i kuater (4)
vehíkulo.
Riba dos (2) persona maskulino a bin haña algun paki di mariwana den nan poder. E dos
sospechosonan aki a keda detené na e sitio pa violashon di e Lei di Opio i a konfiská e
droganan.
A presentá e sospechosonan dilanti un Fiskal Ouksiliar pendiente di mas investigashon.
Tambe a konfiská un (1) skèr; un (1) kuchú i un (1) vehíkulo ku su plachi di number no ta
kuadra ku e vehíkulo.
Na un di e sitionan e agentenan a haña aglomerashon di hende i a konstatá markanan di
tayer riba kaminda, ku posiblemente tabatin ponementu di ‘fever’. A manda tur e
hendenan bai for di e sitio.
E kontròlnan aki ta kontinuá.