“Danki na PBS Productive Business Solutions (XEROX) “ Sentro di Bario Montaña a wòrdu honra ku mashin di kopia pa Bario 

“Danki na PBS Productive Business Solutions (XEROX) “

Sentro di Bario Montaña a wòrdu honra ku mashin di kopia pa Bario 

Na nòmber di Direktiva di Sentro Bario Montaña i nos habitantenan di bario, nos ta sumamente kontentu ku e bunita gesto. Despues di hopi lucha pa yega na un mashin di kopia, nos ta yama danki na e empresa  PBS Productive Business Solutions (XEROX) ku a kere den nos organisashon i a honra nos ku un mashin di kopia pa asina yuda den nos bario. E bario ku nos ta focus riba dje no ta e bario mas pudiente di nos komunidat . 

Nos sa ku nos pais no ta pasando den su mihó momentunan pero e parti sosial den nos bario mester di un sosten pa nos por sigui yuda nos habitantenan pa por rekreá, sosialisá i tambe digitalisá nan dokumentunan pa asina sobrebibí den e normal nobo dor di Covid 19 .

Un danki na tur ku a duna na aporte na nos Sentro di Bario Montaña i ku a kere den nos organisashon na e direktor PBS i su empleadonan ku momentu ku nos a aserk’é no a pensa ni dos biaha pa yuda nos. Danki na nos muchanan ku a risibí un agènda personalisá pa nan tabata algu masha bunita .

Nos ta spera di sigui konta ku boso sosten mas den futuro. Na nos habitantenan nos ta para habri pa yuda boso.