Detenshon relashoná ku ladronisia.

 

KOMUNIKADO DI PRENSA 291 / 2020
28 yüli 2020
Detenshon relashoná ku ladronisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 28 di yüli 2020 alrededor di 11.04’or, Sentral di Polis a risibí informashon di un kaso di
ladronisia ku ta tumando lugá den un kas na Kaya Hygiena.
Na e kas aki deskonosínan a kibra i drenta, kue algun artikulo i bai den un outo for di e sitio. Polis a
señalá e vehíkulo aki riba kaminda i a kuminsá ku un persiguishon tras di e vehíkulo.
Den kurá di misa di Montaña e logra para e outo aki i e sospechosonan a purba di kore bai.
Polis a detené tur tres okupante di e outo, e hòmbernan:
 A.J.M. di 19 aña di edat;
 R.R.L. di 21 aña di edat, ámbos nasé na Kòrsou;
 J.D.R.G.R.D.L.C. di 27 aña di edat, nasé na Repúblika Dominikana.
Den e vehíkulo polis a haña i konfiská artikulonan prosedente di e ladronisia ariba menshoná.
A presentá e trio dilanti di un fiskal ouksiliar ku a ordená nan enkarselamentu, pendiente di mas
investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: