Pa na tempu prepará studiantenan ku ta bai Hulanda: Virtual Youth Support ta habri filial na Kòrsou

Pa na tempu prepará studiantenan ku ta bai Hulanda:
Virtual Youth Support ta habri filial na Kòrsou

WILLEMSTAD – Virtual Youth Support ta establese na Hulanda i ta guia
studiantenan na Hulanda. Pa sigurá e studiante di un bon start na Hulanda i pa
evitá ku e studiante ta frakasá na Hulanda, Virtual Youth Support ta habri un filial
na Kòrsou, entrante 3 di augustus awor. Esaki ta hasi posibel pa prepará e
studiante mas mihó, for di ún aňa promé ku nan kuminsa ku nan estudio na
Hulanda.
Virtual Youth Support ta ofrese un pakete di ún(1) aňa i durante dje periodo ei, e
studiante ta risibi bon preparashon pa e ta kla i integrá pa kuminsa su bida komo
studiante na Hulanda.
Pa varios aňa e porsentaje di studiante ku no ta logra nan estudio na Hulanda ta hopi haltu.
Hopi biaha ta resultá ku e studiante no tabata bon prepará pa kuminsa su estudio na Hulanda.
Esaki ta pone ku e studiante mester enfrentá retonan hopi kompliká ku ta strob’é pone tur su
atenshon riba su estudio. Dor di esaki un kantidat grandi di studiante no ta logra nan metanan
ku nan a soňa di dje promé nan bai Hulanda. E preparashon di e studiante nan ta muchu
kòrtiko. Pesei ta hopi nesesario pa kuminsa ku e preparashon hopi delantá for di Kòrsou. Pa
hasi esaki posibel Virtual Youth Support ta ofresé den un pakete pa henter un aňa diferente
preparashon pa e studiante.

Entre otro ta ofresé:
• Preparashon intensivo pa e bida na Hulanda
• Webinar di maneho di plaka
• Preparashon pa siňa presentá
• Preparashon pa siňa traha verslag
• Preparashon pa kon ta plania pa studia
• Kurso di Hulandes
• Kurso di Wiskude A & B
• Kurso di mindset
• Inskripshon pa skol na Hulanda
• Aplikashon pa finansiamentu di estudio na Hulanda
• Ta yuda ku buskeda pa haňa kas òf studio
• I hopi mas…

ADRES

Virtual Youth Support su ofisina ta situa na Riffort unit 506 A riba Sopranus, Pa más
informashon studiante i mayor nan por traha un sita pa un asina yamá “intakegesprek”. Por
yama telefòn 8438063.
Pa duna tur studiante un chèns pa probecha di un bon preparashon Virtual Youth Support ta
ofrese e posibilidat di paga e pakete den termino tambe.
Virtual Youth Support ta spera ku e bon preparashon aki nos studiantenan por logra mas mihó
na Hulanda i ku e porsentaje di studiante ku ta kai afó por bira minimal.
E mishon di Virtual Youth Support ta pa prepará studiantenan di Kòrsou bon promé nan
kuminsa ku nan bida di studiante na Hulanda. I pa guia studiantenan aki tambe na Hulanda
pa di tal forma, ku nan ta motivá optimalmente pa for di nan propio responsabilidat kuminsa i
terminá nan estudio eksitosamente.
E guia via Virtual Youth Support, ta un invershon èkstra pa e studiante ku despues por resultá
den un skapamentu riba e gastunan di estudio i desapuntonan grandi.