MFK a kuminsá ku limpiesa na Playa Kanoa, mirando ku gobiernu no ta tuma akshon pa hasi limpiesa

MFK a kuminsá ku limpiesa na Playa Kanoa, mirando ku gobiernu no ta tuma akshon pa hasi limpiesa

 

Frakshon di MFK pa medio di Parlamentario Juniël Carolina, dia 25 di mei último a manda un karta pa Minister di GMN ku e petishon pa duna atenshon na e gran kantidat di sushi ku tin den area di playa Kanoa i tambe pa atendé ku e parti di sanitario ku ta den forma hopi deplorabel.

 

Deskonosínan ta dùmp shushi i bestianan morto ilegal riba e ruta, pa ta mas eksakto, na altura di entrada Drag Race i Kas di Polvo.

 

Tambe na e playa Kanoa a konstatá un kantidat di shushi, ku usuario o deskonosínan ta bai laga atras. Manera ya menshoná fasilidat sanitario (wc), ta den estado deplorabel i a-higiéniko i ku a base di e motibunan ya menshoná no por wòrdu usa i tambe no tin konekshon di awa.

 

Konsiderá ku den e temporada aki hopi usuario ta hasi uso di playanan i ku Playa Kanoa ta e úniko playa na Bándariba ku nos grandinan, personanan desabilitá i otro usuarionan por hasi di dje na parti Nòrt di Kòrsou.

 

Suskrito riba inisiativa propio a tuma akshon i huntu ku algun boluntario, djadumingu 9 di ougùstùs 2020, último a tene un akshon di limpiesa na e playa menshoná, pa asina usuarionan ku ta bishita playa Kanoa i tambe ku ta hasi uso di e karetera pa dibertishon o otro metanan pa ku nan salu al ménos por mira ku sierto partinan di e playa i a wòrdu limpia.

 

Athunto algun potrèt di e trabou di limpiesa ku a tuma lugá i un palabra di gradisimentu na tur boluntario ku a duna un man

 

Kòrsou, 10 di ougùstùs 2019

 

Na nòmber di frakshon di MFK

Juniël Carolina

Miembro di Parlamento