Presentashon pa prensa tokante di maneho riba sitio di insidente.
KOMUNIKADO DI PRENSA 310 / 2020
11 ougùstùs 2020
Presentashon pa prensa tokante di maneho riba sitio di insidente.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps dia 6 di ougùstùs último, Kuerpo Polisial a tene un presentashon pa periodista i
fotógrafonan den prensa tokante di maneho riba sitio di insidente.
E presentashon aki a tuma lugá na e sala di reunion na e kompleho polisial di polis na Rio
Canario den oranan di mainta.
Prinsipalmente reporteronan ku ta kubri notisianan polisial tabata presente na e enkuentro
aki.
Durante di e presentashon aki, e personal di e Tim Forénsiko di polis ku ta enkargá entre
otro ku investigashon i identifikashon di evidensianan riba sitionan di krímen a duna un
splikashon basta amplio di e importansia pa sòru pa ménos kontaminashon posibel riba e
sitio na unda un krímen a tuma lugá.
E reshèrshinan tékniko aki, aparte di a duna splikashon di teorianan ku ta keda apliká tantu
lokal komo internashonal, a presentá tambe ehèmpelnan konkreto kon kosnan a kana
robes riba algun sitionan di insidente.
Esaki no ta hasi e investigashon imposibel, pero ta rekerí si mas energia, invershon di
tempu, kapasidat humano i material.
Ku e presentashon aki, Kuerpo Polisial kier a mustra prensa ku e tin komprenshon i hopi
rèspèt pa nan trabou.
Di otro banda, sin konosementu di kontenido di e trabou investigativo, ta parse komo si
fuera ku polis no ke tur ora pa prensa hasi su trabou. Esaki apsolutamente ta e kaso.
Ta hustamente na momentu ku nos yega mas serka di otro, por tin un mihó koperashon i
komprenshon entre partidonan ku un solo meta, di solushoná e krímen.

