BREAKING NEWS: A enkontra kurpa sin bida di e homber Armand Griffith di 72 aña ku tabata ser buska for di djasabra 22 aug 2020
Area di St. Marie / Willibrodus
BREAKING NEWS: A enkontra kurpa sin bida di e homber Armand Griffith di 72 aña ku tabata ser buska for di djasabra 22 aug 2020.
Na prome luga nos mas sinsero palabranan di kondolensia na famia di sr. Armand Griffith di 72 aña, Pas na su alma i forsa na famia.
For di djasabra 22 aug 2020 mainta famianan mas yega di sr Armand Griffith a bati alrama ora ku nan a ripara ku nan ser keri no a regresa fo di su kanamentu den mondi (hiking) i nan lo a yega na e konklushon ku elo a perde den mondi di Rif St. Marie / Willibrodus na momentu ku ela hike (kana keru) den e area ariba menshona.
Warda Kosta, Polis i boluntarionan a buska for di djasabra i djadumingo sin por a enkontra ku sr. Armand Griffith.
Djaluna 24 Aug 2020 Kuerpo Polisial Korsou a emiti un komunikado ku ta buskando sr Armand Griffith.
E buskeda a kontinua ku mesun determinashon pa enkontra ku sr Armand Griffith na bida pero lastimamente djamaras mainta 26 aug 2020 a bin enkontra ku e kurpa sin bida di sr Armand Griffith ya kaba den estado di deskomposishon, na e momentu ku a skibi e item aki, polis ta na e sitio hasiendo e investigashonan necesario pa determina kousa di morto.