Pronóstiko di tempu pa Kòrsou i bisindario bálido te djaluna atardi 18:00 o.l., 21 di sèptèmber 2020.

Pronóstiko

Pronóstiko di tempu pa Kòrsou i bisindario bálido te djaluna atardi 18:00 o.l., 21 di sèptèmber 2020.
Kompilá: djadumingu 20 di sèptèmber 2020, 17:00 o.l. (21:00 UTC).

Tempu: Parsialmente nublá, de bes enkuando hopi nublá ku posibilidat pa algun áwaseru mas. Tambe tin chèns pa welek i bos.

Temperatura máksimo lo alkansá 33ºC i temperatura mínimo 27ºC.
Solo ta sali 06:25 i ta baha 18:33 o.l.

Bientu: Generalmente ost i suak te moderá; forsa 1 te 3 (1 te 19 km/ora, 1 te 10 nudo). De bes enkuando kalmu i for di un direkshon  variá.

Situashon general: Durante di próksimo 24 ora kondishon atmosfériko ta keda faborabel pa de bes enkuando mas nubia paso riba nos region. Algun di e nubianan aki lo generá algun áwaseru kompañá pa welek i bos riba vários parti di nos isla. Mas aleu, bientu lo sigui suak te ku mañan mainta i despues di esei, ta antisipá ku bientu lo oumentá gradualmente.

Kondishon di laman: Trankil te moderá ku altura di olanan entre 0.5 i 1.5 meter (2 pa 5 pia).  E olanan di mas haltu lo ta den resake serka di kostanan nort i ost. Ta sugirí usuarionan di laman pa tene kuenta ku esaki.

Sistemanan signifikante di wer tropikal:Orkan Teddy ta sigui komo un orkan poderoso riba Oséano Atlántiko nort. Tormenta Tropikal Wilfred a debilita i ta un depreshon tropikal situá riba Oséano Atlántiko sentral. Otro siklon den Golfo di Méhiko Tormenta Tropikal Beta ta situá den Golfo di Mexico i ta move den direkshon di e kostanan sùit di e Estado di Texas. E siklon nan aki no ta un menasa pa e islanan den Laman Karibe.

Fenómeno spesial: Ningun.

Perspektiva te djamars atardi: Por lo general parsialmente nublá i no ta antisipá áwaseru signifikante. Bientu ta bira un poko mas fuerte.

Meteorólogo: Rombley.