Mester nombra un Minister di enseñansa awor.

 

Mester nombra un Minister di enseñansa awor.

Willemstad, 28 di sèptèmber 2020- Mundu ta konfrontando un pandemia. Pais Kòrsou no ta
eksepshon den esaki. Nos ta bibando segundo ola di Covid-19 kompañá ku un krísis finansiero
i ekonómiko ku ta bisto na e kantidat haltu di desempleo i pobresa di 30 % riba nos pais. Ainda
nos no a papia mes di retonan den Reino ku ta motibu di prekupashon pa tur esnan ku tin pais
na pechu. Netamente pa motibu di e krísis aktual mi ta konsiderá vital pa nombra un Minister ku
tin atenshon i dedikashon kompletu na e kartera di enseñansa..
Covid-19 i enseñansa ta un tema riba su mes.
Tantu mayornan, muchanan i tambe dosentenan ta sinti ku nan ta demasiado vulnerabel den e
forma di enseñansa normal. Apesar ku a hasi klasnan mas chikitu enseñansa den tempu di
Covid-19 ta keda un tema delikado. Esaki sin menshoná muchanan i dosentenan ku ta
pertenesé na e grupo di rísiko òf tin un familiar den grupo di rísiko na kas. Miéntras nos ta na
kaminda pa un posibel di dos ola ya na otro partinan di mundu ta papiando di un di tres ola.
Konsiderando e último sifranan di infekshon i e posibel di tres ola ta bon pa pensa kon pa
ofresé enseñansa adaptá pa garantisá e kalidat di enseñansa. Esaki sigur ta di urgensia
netamente pa motibu ku ainda no tin forma pa remediá Covid-19. Den kombersashon ku
diferente dosente mi ta konstatá ku miéntras sierto alumnonan di sierto skol por pasa fásilmente
pa enseñansa digital, tin un grupo konsiderablemente grandi di muchanan ku no tin akseso na
laptòp i tampoko Internèt. Netamente pa motibu ku tin diferente situashon mester yega na
kondishonnan pa alsa sentido di seguridat serka esnan ku ta laborá den enseñansa, pero
tambe mayor i yunan ku ta prekupá ku kontinuidat di enseñansa.
En todo kaso, tantu pa motibunan ariba menshoná pero tambe pa motibu di e tantísimo retonan
ku enseñansa a bin ta enfrentá anteriormente kaba ta urgente pa nos tin un Minister ku ta
dediká su mes spesífikamente na enseñansa. Mi no por sinta boka sera i mirando kalidat di
enseñansa bai patras miéntras no tin solushon pa Covid-19. Demasiado tempu a pasa i ta
momento pa nombra un Minister di enseñansa awor pa salbaguardiá nivel i trese trankilidat den
e aria di enseñansa pa nos yunan.
Pa mas informashon: Sidayen van Tijs- Senora

This site uses Akismet to reduce spam. Learn how your comment data is processed.

error: Content is protected !!
%d bloggers like this: