Banko di Buki Kòrsou ta aportá na resosialisashon durante di Covid-19 den SDKK

Banko di Buki Kòrsou ta aportá na resosialisashon durante di Covid-19 den SDKK

Geplaatst op 29 September 2020 dor di Ministerio Hustisia

Willemstad- Mirando e echo ku Covid-19 ta pone restrikshonnan basta severo den komunidat di Kòrsou, esaki ta konta tambe pa SDKK. Durante di e promé ola di e lockdown. Hefe di Unidat di Korekshon, señora Malvina Cecilia, responsabel pa resosialisashon a haña e señal di e klientenan detené den SDKK ku lesamentu di buki i tambe weganan rekreativo a yuda nan pasa den e periodo difísil aki. Difísil pa e echo ku mester tene kuenta tambe ku entre otro e restrikshonnan di por haña bishita físiko di famianan. I ku e aktividatnan den kuadro di resosialisashon ta mas limitá ku normal.

Den un forma relámpago e dos guiadó di aktividatnan di SDKK, señora Sharissa Llewellyn i señora Livienne Gibbes-Roojer a bishitá Banko di Buki Kòrsou i nan a logra haña diferente buki.

E Unidat di Korekshon tin i ta keda ku e responsabilidat pa durante di e periodo aki tambe, pa kon difísil òf limitá ku e por ta, pa e klientenan ku ta detené den SDKK, ku ke kuminsá òf sigui hasi uso di e oportunidat di lesa, pa den kuadro di resosialisashon, nan por sigui desaroyá nan mes pa medio di lesamentu di buki.

SDKK a inventá e ‘biblioteka mobil’ ku e guiadó di aktividatnan ta pasa di blòk pa blòk pa suministrá e klientenan ku nan buki nan preferí. E nesesidat i interes bou di e poblashon di SDKK pa lesa durante di Covid-19 asta a surpasá e demanda normal di buki. Ta p’esei e yudansa di Banko di Buki a kai den bon tera i na e momentu oportuno.

Banda di esei e direktiva di Banko di Buki a aportá pa regalá e klientenan di SDKK diferente wega rekreativo, ku e klientenan por hunga huntu durante Covid-19. Tim di Maneho ta mas ku agradesido ku e aporte aki pa ku SDKK. Asina aki na diferente manera i den un forma inventivo, durante di e periodo difísil aki, huntu ku Banko di Buki, den kuadro di resosialisashon, por sigui hasi e tipo di posibilidatnan rekreativo aki realidat i asina kumpli ku e nesesidat i petishon positivo aki ku a sali for di e klientenan di SDKK.

Sra. Cecilia ta enfatisá ku ta importante pa durante di e periodo benidero sigui motivá i aktivá e proseso di pensa positivo, aktua positivo i siña di otro serka e klientenan riba tur tereno ku ta posibel. Restrikshonnan a base di Covid-19 no tin mag di kita nos for di e kaminda ku SDKK Ku esaki, di un banda, ta yuda trese e kambionan deseá den pensamentu i aktitut di e klientenan mes i alabes en esfera general di traha den e instituto den su totalidat tambe.

Ta importante pa SDKK sigui i keda mustra i informá pueblo di Kòrsou riba e esfuersonan positivo ku diariamente konhuntamente ta wòrdu hasí pa hinka i mantené e klientenan detené den trayekto- i proyektonan positivo durante di nan detenshon, usando loke ta alkansabel i posibel.

Donatie boekenbank

This site uses Akismet to reduce spam. Learn how your comment data is processed.

error: Content is protected !!
%d bloggers like this: