Ban Kambi’e, Si nos ke! Ku Challenge den Oktober

Ban Kambi’e, Si nos ke! ta organisando un “30-day sustainability challenge” kaminda nos ta challenge pueblo di Korsou pa ta e miho version durabel di nan mes.
Ki esaki ta enserá?
Pa henter luna di Oktober nos lo duna diferente challenges. Bo por pensa di varios medida ku despues lo bira un kustumber. Por ehempel, paga mas tantu lus ku ta posibel, informa bo mes tokante e problemanan den nos medio ambiente, usa menos awa ku ta posibel i muchu mas. Nos lo mira un kambio enorme den nos medio ambiente, si tur hende implementa e kambio chikitu nan aki den nan bida. I pa keda pendiente riba tur e 30 dianan aki nos lo post riba nos Instagram i facebook page, “Ban Kambi’é. Sí, nos ke!”

Ken ta “Ban Kambi’e. Sí, nos ke?
Nos ta 4 studiante di University of Curaçao studiando Business Management Studies. Pa Global Citizenship nos a traha riba un proyekto pa trese un kambio duradero riba nos dushi isla. Pues esaki ta e meta. Nos mester di pueblo pa logra esaki, pa e motibu aki nos a bin riba e idea di trese un “30 day challenge”.

Ban pensa riba nos medio ambiente.

Team Ban Kambi’e, Si nos ke!