Kiko ta konkretamente e diferensia entre CHE i OHO?

 

 

Willemstad, 7 òktober 2010

 

Kiko ta konkretamente e diferensia entre CHE i OHO?

Partido Inovashon Nashonal (PIN) ku kriterio pa midi e resultado di negoshashon ku Hulanda

Partido PIN a tuma nota di un karta ku Promé Minister sr. Eugène Rhuggenaath dia 6 di òktober 2020 a manda pa parlamento di Kòrsou, den kua e ta partisipá e resultado di e negosiashonnan ku Hulanda. Promé minister ta indiká ku lo tin un proposishon nobo pa un órgano, yama Orgaan voor Ontwikkeling en Hervorming ‘OHO’. E karta no ta indiká ku klaridat e diferensia entre CHE i OHO. E proposishon mes sinembargo no a keda publiká ainda. Sin e oportunidat pa tuma nota di e proposishon nobo riba papel, PIN no por duna un punto di bista di kontenido riba resultado di e negoshashon. PIN lo evaluá resultado di e negosiashonnan, netamente riba e puntonan ku for di inisio gobièrnu Hulandes kier a imponé den un lei di Reino “sin-konsenso” riba pueblo di Kòrsou. E pregunta ta: kiko konkretamente ta kambia den e lei di Reino?

Pa por evaluá e eventual kambionan ku gobièrnu di Kòrsou ta indiká den su karta, PIN a formulá algun pregunta ophetivo i relevante. PIN ta spera ku pronto e proposishon nobo keda publiká, pa asina pueblo por evaluá e kontenido. Pa evaluá e kontenido, e siguiente puntonan ta sumamente importante pa salbaguardiá funshonamentu di nos gobièrnu, parlamento, demokrasia i tambe pa kuida nos outonomia:

 

1. Segun lei di Reino, e órgano OHO ta keda instituí basa riba un lei di Reino manera por ehèmpel e Commissie Financieel Toezicht (Cft.)?
2. E órgano OHO, ta un órgano independiente di gobernashon Hulandes, esta un zelfstandig bestuursorgaan Hulandes(ZBO)?
3. a. Kuantu miembro e órgano OHO lo tin? 

1. Kon Kòrsou ta sigurá representashon den mando di e órgano OHO? 
2. Kua prosedura lo sigui pa garantisá un representashon efektivo di Kòrsou den OHO?

1. a.Kon e prosedura di toma di desishon ta den e órgano OHO? 

b.E presidente tin derechi di ‘veto’ den e órgano, esta e por ‘overrule’ tur otro miembro? 

1. Si esei ta e kaso, kua kriterionan lo determiná e outoridat di e presidente pa “overrule” e demas miembronan?

1. a.Kiko ta e tareanan i outoridatnan di e órgano OHO? 

b.Tin separashon entre tarea di supervishon i e tarea di ehekushon den e órgano OHO? 

1. Kon a tene kuenta ku konflikto di interes ora a determiná tareanan di e órgano OHO?

1. E órgano OHO por introdusí supervishon finansiero mas skèrpi, esta ‘verscherpt toezicht’ riba e presupuesto di Kòrsou?
2. Na kua instansia i parlamentonan di e paisnan den Reino e órgano OHO ta responsabilisá su mes?
3. Kua lo ta e normanan stipulá den e konsepto di lei di Reino pa determiná e nesesidat pa likides pa presupuesto di Kòrsou?
4. Kon ta determiná e momentu den tempu pa Hulanda pone e fiansa pa e likides realmente disponibel pa Kòrsou?
5. Kuantu e suma disponibel pa aña ta bai ta pa invershon di parti gobièrnu (kapitaaldienst) i kon ta determiná e suma aki?
6. E meta final di e lei di Reino i e ‘landenpakket’ lo mester ta e bienestar di pueblo. 

a.Tin un sistema di responsabilisashon periódiko di e tareanan i uso di outoridatnan di e órgano OHO pa su ròl den esaki? 

b.Kiko ta e kriterionan pa midi kumplimentu ku e landenpakket?

c.Kiko ta e perspektiva den tempu, esta 2021,2022, 2023 etc. ku e landenpakket mester brinda?

1. a.Kon ta determiná kumplimentu dor di e gobièrnu ku metanan determiná den e ‘landenpakket ‘na kual kumplimentu e fiansanan a keda mará(!), esta kua kriterionan lo apliká?

b.Kua ta e órgano di Reino ku tin e outoridat pa evaluá kumplimentu ku kondishonnan pa fiansa? 

1. Tin un órgano/instansia independiente pa na momentu ku tin disputa entre Hulanda i Kòrsou òf entre Kòrsou i Reino riba (in)kumplimentu ku kondishonnan òf pasobra e fiansa primintí no ta keda duna?
2. Ta bin un Fondo pa Invershon den Ekonomia, kiko e suma ta riba kua término den tempu?
3. Kon ta determiná konkretamente e reformanan den e “landenpakket” riba tereno di entrada di trahadónan i penshonadonan manera salario di e trahadó públiko, salario mínimo, penshun e.o. duurtetoeslag;  ekonomia; leinan  laboral; sosial;, enseñansa; kuido médiko i finansa públiko sin mishi ku e outoridat pa goberná nos mes?
4. a. A determiná kon lo evaluá órgano na di tres aña? 

1. Kua kriterionan lo apliká? 

c.Ta trata di un evaluashon dor di un órgano imparsial? 

17. Kiko ta e motivashon pa un lei di konsenso di Reino pa lokual ta trata e formulashon di e órgano OHO i su tareanan en bes di usa un areglo mutuo?
18. Kiko ta sosodé si parlamento no ta di akuerdo ku e (un parti di) lei di Reino pa e órgano OHO òf e (un parti di) Areglo Mutuo pa un” landenpakket”?
19. a. Kiko ta sosodé si durante di e 6 aña ku e lei di Reino ta dura, partidonan tin un disputa di kontenido riba un reformá?
20. Kòrsou lo por fia den eksterior sin ku Konseho di Minister di Reino oponé?

 

Esaki nan ta algun pregunta ophetivo pa por evaluá e proposishonnan. Partido PIN ta spera ku pronto lo apliká transparensia den akuerdo polítiko ku Hulanda, sigur mirando ku esaki ta mara Kòrsou i su gobièrnu pa seis aña. Ta importante pa sa si realmente OHO ta algu diferente for di CHE.

 

Suzy Römer,

Lider polítiko Partido Inovashon Nashonal