FC SITHOC LO TOPA KARA KARA KU NEW SONG DEN E GRAN FINAL DI LIGA MCB SEGUNDO DIVISHON, DJÁRASON 14 DI ÒKTOBER DEN SAM!

FC SITHOC LO TOPA KARA KARA KU NEW SONG DEN E GRAN FINAL DI LIGA MCB SEGUNDO DIVISHON, DJÁRASON 14 DI ÒKTOBER

DEN SAM!

 

 

Tur kos ta kla pa Fc Sithoc topa e ekipo di New Song kara kara den e gran final di Liga MCB Segundo Divishon ku lo tuma lugá mañan, 14 di òktober 2020 pa 7:30 PM den Stadion

Dr. Antoine Maduro (SAM). Ámbos ekipo lo bin bon prepará i lo duna tur ku tin pa bai ku e título di kampion i promové pa Liga MCB Promé Divishon!

 

Aki ta sigui algun dato importante ku FFK a kompilá di aña 2016 pa 2020 di e partidonan entre Fc Sithoc i New Song. E 2 ekiponan aki a topa otro na 12 okashon durante e 4 aña nan tras di lomba. Sithoc a gana di New Song un total di 6 biaha, nan a empatá na 4 okashon i New Song a gana Fc Sithoc den 2 partido. Fc Sithoc a anotá un total di 24 gol kontra New Song miéntras New Song a anotá 16 gol kontra Fc Sithoc.

Remarkabel ta ku durante e kampionato aki Fc Sithoc no a gana New Song. Nan a topa otro na 4 okashon, di kua nan a empatá na 3 okashon i New Song a gana Fc Sithoc ku e skor di

3-0 durante nan último partido.

 

 

Resultadonan di Fc Sithoc vs New Song;

 

2016 Fc Sithoc v/s New Song
25-04-2016 2 1
29-08-2016 3 2
       
2017 Fc Sithoc v/s New Song
10-04-2017 6 0
10-07-2017 3 1
       
2018 Fc Sithoc v/s New Song
01-02-2018 2 0
25-03-2018 2 4
       
2019 Fc Sithoc v/s New Song
09-01-2019 1 1
26-04-2019 2 1
       
2020 Fc Sithoc v/s New Song
20-11-2019 0 0
10-02-2020 1 1
08-08-2020 2 2 Buèlta di 6
07-10-2020 0 3 Buèlta di 4

 

Tabla di posishon 2016-2020:

 

WH WG WE WP GF GK Saldo
1 F.C. Sithoc 12 6 4 2 24 16 8
2 New Song 12 2 4 6 16 24 -8

 

 

Pues mañan lo tin un tremendo partidaso ora ku Fc Sithoc lo por promové i forma parti di Liga MCB Promé Divishon bèk despues di 5 aña i New Song pa promé biaha por ta un di e ekiponan di Liga MCB Promé Divishon!

 

Debí na e medidanan ya konosí, ku a keda introdusí pa Gobièrnu di Kòrsou e partido final aki lo no por tuma lugá ku presensia di públiko. Pero si por sigui e final di Liga MCB Segundo Divishon via e página di Facebook; Sport.cw.

 

Éksito na ámbos ekipo!

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: