Calmes:”Kiko ta bai pasa ku trahadónan di Girobank? Mayoria ta bai kas?!”

 

Calmes:”Kiko ta bai pasa ku trahadónan di Girobank? Mayoria ta bai kas?!”

Willemstad- Parlamentario Calmes ta lamentá ku Gobièrnu atrobe ta lubidá riba e klase trahadó. Resientemente e Minister di Ekonomia i despues Minister di Finansa, a partisipá den prensa ku tin un solushon pa Girobank. Pa trahadónan di Girobank e ekspektativa kreá a dirti manera eis ora nan a wòrdu konfrontá ku pa nan no a presentá niun solushon.

Ámbos mandatario a anunsiá ku ta bai risibí Naf 172 mion pa Girobank (e debe ta kasi dòbel) awor ku Gobièrnu a bai di akuerdo ku e lei di konsenso nobo ku yama OHO.  Sinembargo pe trahadónan no a anunsiá niun solushon. Pa Calmes no tabata un sorpresa ku atrobe Gobièrnu ta lubidá riba e trahadónan dor di pone foko solamente riba e parti finansiero i no riba e parti humano. Pueblo a mira kaba kiko a pasa na UTS i Refineria.

Girobank su trahadónan pa basta tempu ta biba den un angustia i desesperashon. Gobièrnu a bini ta bisa di tin e solushon sinembargo nada no a konkretisá. Trahadónan a pèrdè tur speransa despues ku APC Bank, via un forma profeshonal, a ninga e “deal” pa tuma Girobank. “Keda sin presentá un solushon pe trahadónan ta un akto inhustu i no humano” sigun Calmes. 

P’esei mes Calmes a dirigí un karta puntrando Minister di Finansa si ta mayoria trahadó ta bai kas ora risibí e fiansa via CHE/OHO?  Tambe Calmes kier sa si tin un plan di retiro i kiko ta bai ofresé e trahadónan ora retiro kai. Hopi importante pa Calmes ta risibí Minister su aklarashon ku den e Naf 172 mion tambe e prima di retiro ta inkluí?

Pa Calmes e krísis di Girobank ku nan a laga eksplotá na desèmber 2019 meresé un aserkamentu humano tambe.

This site uses Akismet to reduce spam. Learn how your comment data is processed.

error: Content is protected !!
%d bloggers like this: