Pronóstiko di tempu pa Kòrsou i bisindario bálido te djárason mainta 06:00 o.l., 21 di òktober 2020.

 

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 21 di òktober 2020.
Kompilá: djamars 20 di òktober 2020, 05:00 o.l. (09:00 UTC).

Tempu: Parsialmente nublá, de bes en kuando hopi nublá ku algun áwaseru lokal i posiblemente kompañá pa welek i bos.

Temperatura máksimo lo alkansá 31ºC i temperatura mínimo 25ºC.
Solo ta sali 06:26 i ta baha 18:15 o.l.

Bientu: Por lo general ost i suak te moderá; forsa 2 te 4 (7 te 30 km/ora, 4 te 16 nudo). De bes en kuando posiblemente basta fuerte den ráfaga; forsa 5 (31 te 39 km/ora, 17 te 21 nudo).

Situashon general: Un área di preshon abou serka di Panama lo hasi e kondishon atmosfériko mas faborabel pa desaroyo di algun nubia riba nos region. Algun di e nubianan aki lo generá de bes en kuando algun áwaseru lokal ku posibel welek i bos durante di awe i mañan djárason. Mas aleu, ta antisipá ku e fluho di bientu lo bira por lo general suak pa e próksimo dianan.

Kondishon di laman: Trankil te moderá ku altura di ola entre 0.5 i 1.5 meter (2 i 5 pia). Durante di periodo nan mas fuerte di áwaseru, esaki por bira lokalmente un poko mas brutu.

Sistemanan signifikante di wer tropikal: Tormenta Tropikal Epsilon a forma awe riba laman Atlántiko. E disturbio aki no ta forma un menasa pa nos isla.

Fenómeno spesial: Ningun.

Perspektiva te djaweps mainta: Parsialmente te hopi nublá ku algun áwaseru lokal ku posibel welek i bos.

Meteorólogo: Correa

 

Day:	Djamars	Djárason	Djaweps	Djabièrnè	Djasabra
	posibilidat di áwaseru i welek ku bos	áwaseru ku welek ku bos aislá	áwaseru aislá	parsialmente nublá	áwaseru aislá
Rain probability:	20%	40%	20%	0%	20%
High:	31ºC / 88ºF	31ºC / 88ºF	32ºC / 90ºF	33ºC / 91ºF	32ºC / 90ºF
Low:	25ºC / 77ºF	25ºC / 77ºF	26ºC / 79ºF	26ºC / 79ºF	26ºC / 79ºF
Sunrise time:	06:26	06:26	06:26	06:27	06:27
Sunset time:	18:14	18:14	18:14	18:13	18:13
Wave heigth (meters):	1 – 1.5	0.5 – 1	1 – 1.5	1.5 – 2.0	1.5 – 2.0