KPCN ta uza imágen di video tambe pa ku atendementu di ponementu di ‘fever’

 

KPCN ta uza imágen di video tambe pa ku atendementu di ponementu di ‘fever’

E wikènt tras di lomba polis a konfiská dos bròmer ora a bai atendé un kaso di ponementu di fever, kaminda tabatin molèster di ekseso di zonido tambe. KPCN ta atvertí un biaha mas ku butamentu di ‘fever’ ta prohibí i ku ta aktua ku man duru kontra esaki.

Mirando ku a resultá di ta difísil pa para e personanan ku ta kometé e tipo di delito aki, i ku en konekshon ku e seguridat den tráfiko no tur ora por bai ofer na persekushon, polis ke avisá ku por uza imágennan di video tambe pa por duna prosès ferbal i tambe konfiská materialnan na un otro momentu.

KPCN ta hasi un yamada na komunidat di Boneiru pa tene nan mes na e reglanan di tráfiko pa asina tene e tráfiko seif i sigur pa tur ku ta tuma parti na esaki. Si bo tin imágennan di ponementu di ‘fever’, nos ta pidi pa kompartí esaki ku nos via politie@politiecn.com òf pa tuma kontakto via 715-8000.

Bo a mira algu sospechoso? Yama 717 8000 òf e liña di tep anónimo 717 7251.

This site uses Akismet to reduce spam. Learn how your comment data is processed.

error: Content is protected !!
%d bloggers like this: