Calmes:”MinPres: Ta posibel pa Kòrsou buta un diplomátiko na Venezuela?

 

Calmes:”MinPres: Ta posibel pa Kòrsou buta un diplomátiko na Venezuela?

Willemstad- Pa parlamentario Calmes e akshon Hulandes pa manda mas personal diplomátiko Hulandes pa Venezuela ta unu sabi. Calmes a tuma nota dje kontesta i deseonan ekspresá pa Presidente Maduro di Venezuela. “E moveshon aki di Hulanda no ta sorpresa p’ami” sigun Calmes. Riba e nivel di geo-polítika Hulanda ya a prepará su posishon den kaso ku Presidente Trump no gana elekshon otro luna.

Na 2018 Minister Blok a krusa nos aéreo espasial ku e djèt di Gobièrnu Hulandes i bai reuní ku su kolega Minister El Aissami na Venezuela. Ta na TV di Venezuela nos a tuma nota dje akshon di Minister Blok pasando nos MinPres, enkargá ku asuntunan eksterior, bai. Riba Nashonnan Uni su “export database”  i tambe e website di Ofisina di Statistik Hulandes tur hende por mira kuantu negoshi (400 mion dòler) ta tuma lugá entre Hulanda i Venezuela. 

E echo ku Minister Blok a manda kredensialnan, di un diplomátiko hulandes, pa Minister Arreaza di Venezolano aprobá ta muestra ku mester tabata tin kontakto anterior. Alabes ta muestra ku apesar dje “boycot” Oropeo/Merikano, Hulanda ta sali na vanguardia di su relashonnan ekonómiko. Na 2019 Hulanda a hasi invershon di €3.2 mion den un proyekto pa saka nikel for di un mina na Caracas.

“Minister Blok a hasi su trabou pa Hulanda. Awor ta MinPres di Kòrsou tin ku hasi su trabou” sigun Calmes. Calmes a manda un karta pa MinPres puntrando entre otro si Kòrsou tambe por ubika un persona na embahada di Reino na Venezuela. Den pasado nos tabata tin e.o. Sr. Dito Mendez de Gouvea. Ubikando nos propio diplomátiko por mustra Venezuela ku nos ta kla pa drecha lasonan abase di rèspèt mutuo. Minister Blok a bolbe hasi su moveshon stratégiko. Awor MinPres mester laga madures polítiko prevalesé i sali na nos interes.

This site uses Akismet to reduce spam. Learn how your comment data is processed.

error: Content is protected !!
%d bloggers like this: